CONCELLO E ACISA PROMOCIONARÁN RIBADEO DESDE MAÑÁ E ATA O DOMINGO EN INTUR, A FEIRA INTERNACIONAL DE TURISMO INTERIOR, QUE SE CELEBRA EN VALLADOLID.
Ribadeo, 21 de novembro de 2012. Concello e ACISA promocionarán Ribadeo desde mañá e ata domingo na XVI Feria Internacional de Turismo Interior que se celebra en Valladolid. O obxectivo é dinamizar Ribadeo fora do que é a tempada estival. Ana Martínez, concelleira de Desenvolvemento Local e Turismo, e Roberto Rivas, presidente de ACISA, coinciden en subliñar que Ribadeo ten moito que ofrecer aos que nos visitan.
A concelleira de Turismo explicou que “o Concello de Ribadeo xunto con ACISA asistirá por primeira vez a INTUR en Valladolid representando ao sector turístico e comercial do noso concello cun stand propio. INTUR celebra a súa décimosexta edición e continúa a ser un dos principais referentes de turismo de interior, cunha notable participación de expositores e cunha afluencia superior ás 40.000 persoas, segundo as referencias de anos anteriores”.
Martínez subliñou que “desde o Concello e desde ACISA buscamos nesta feira promover Ribadeo coma un destino de calidade, e buscamos ese turismo de proximidade que se pode achegar a visitarnos fora da tempada estival na que normalmente xa temos unha afluencia importante de visitantes. Buscamos nesta feria atraer a ese turismo máis próximo que por cuestión de distancia, de vías de comunicación cada vez mellores, se pode achegar a Ribadeo”. A edil de Turismo e Desenvolvemento Local dixo que “os nosos datos de rexistro na oficina de turismo nos indican que os visitantes que chegan a Ribadeo fora da época estival proceden fundamentalmente de Castela-León, Cantabria, País Vasco… e así entendemos a necesidade da nosa presenza nesta feira”.
Durante o xoves e o venres, días de xornadas técnicas, “dedicareime persoalmente a buscar a fomentar reunións co sector empresarial coa finalidade de chegar a organizar e promover actividades e programas de comercialización que poidan ser interesantes para Ribadeo. Tamén desde o stand de Ribadeo se ofrecerá información detallada e completa do noso concello ao público en xeral. Entre esta publicidade estará toda a relacionada cos lugares de interese fundamentais do concello e como tema estrela estará a praia das Catedrais, que é o referente de Ribadeo, pero aproveitando este referente levamos tamén a publicidade e a promoción das festas, das actividades de ocio e destes novos proxectos que temos de Ribadeo eventos e de turismo ornitolóxico buscando esa dinamización fora do que é a época estival”. Ana Martínez engadiu que “tamén faremos fincapé na nosa oferta gastronómica e na nosa oferta hoteleira coa que, en todo momento, desde o Concello establecemos un contacto directo para asegurar a súa presenza tanto física como a través de material publicitario nesta feria. Hai empresarios que se van achegar a Valladolid para apoiar coa súa presenza o stand de Ribadeo”.
A edil nacionalista indicou que “o que buscamos é que, nestes momentos tan complexos e tan duros para o sector empresarial, Ribadeo sexa un destino de elección para o maior número de persoas e que poida repercutir dun xeito positivo no noso comercio, na nosa hostalería e na mellora económica da nosa xente”.
O presidente de ACISA, Roberto Ramos, subliñou que “desde aquí imos vender os nosos negocios e os nosos atractivos turísticos, dos que se pode disfrutar tanto no inverno coma no verán. Queremos potenciar o noso concello, as praias, a paisaxe. Queremos ser coñecidos e que a xente nos poida visitar en calquera momento, estamos cerca, e é moi interesante que se acheguen a coñecer Ribadeo porque aquí atoparán uns produtos, unhas praias e unha paisaxe magníficos. Desde o Concello e desde ACISA temos que ensinalos e que a xente os coñeza”.
Unha das cousas que buscan os que visitan Ribadeo, sobre todo no verán, “é a climatoloxía especial que temos, no verán non temos moito calor e a xente ven perseguindo eso, a oferta gastronómica é moi boa e a tranquilidade absoluta que ten tanto o noso concello como toda A Mariña é o que véñen buscando. Ademáis visitar esta zona resulta bastante barato, é importante poder achegarse aquí a bós prezos, sen necesidade de ter que gastar o sueldo nas vacacións”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
