EMOCIONANTE ESPERA COPEIRA PARA O VENRES, ÁS 21.00 (BURELA FS-SANTIAGO FUTSAL)
O Burela FS Pescados Rubén xa ten data para o emocionante duelo de Primeira que lle deparararon as semifinais da XXII Copa Galicia. O cadro laranxa espera a visita do Santiago Futsal a Vista Alegre para o venres, 16 de novembro, ás 21.00 horas.
A noticia foi moi ben recibida polos mariñáns, nunha cita á que lle poden sacar moito proveito. Este cara a cara non só servirá de antesala da 10ª xornada da máxima categoría, do 22 de decembro, senón tamén, como indicou Julio Delgado, como adianto do regreso á liga. “Será un encontro que nos beneficiará en aptitude na pista e motivación para volver á competición, completará a nosa preparación para retomar a liga nas mellores condicións, o 24 de novembro, coa visita do Inter Movistar” dixo o técnico.
Os soci@s laranxas terán acceso gratuíto á cita copeira. Para o resto do público (maiores de idade), a entrada custará 5 euros.
Triunfo axustado en Soto del Barco
Os pupilos de Julio Delgado impuxéronse onte na casa do Soto del Barco cun resultado axustado (2-3), nun encontro pouco fluído no que aos laranxas lles custou atoparse cómodos para ofrecer o seu xogo. Tras o temperán 0-1 de Enrique (minuto 3), o Burela FS tivo que esperar á segunda parte para poder impoñer minimamente o seu ritmo e facerse así co electronico.
Durante esta parada ligueira, o cadro mariñán tamén obtivo o título no triangular de Castropol fronte ao Azkar Lugo e CD Marino das Figueiras e conseguiu o billete a fase final da Copa tras impoñerse ao Noia FS.
Ficha técnica
Soto del Barco: Rubén, Iñarrea, Fredy, Miguel e Adrián, no cinco inicial; tamén xogaron Danielín, Michel, Dani, Ricky e Vior
Burela FS Pescados Rubén: Iago Barro, André, Nacho Pedraza, Enrique e Dani Martín, no cinco inicial; tamén xogaron Mimi, Cesinha, Christian, Antón, Fabio e Carlitos
Goles: 0-1, minuto 3, Enrique; 1-1, minuto 10, Miguel; 2-1, minuto 19, Fredy; 2-2, minuto 27, André; 2-3, minuto 38, Enrique
Tarxetas: Polos asturianos, foron amoestados con tarxeta amarela Vior, Fredy, Iñarrea e Miguel (dobre) e, polos laranxas, Mimi.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
