O BNG DE FOZ VE INXUSTIFICADA A SUBA DO RECIBO DA AUGA QUE O ALCALDE PRETENDE FACER PARA O PRÓXIMO ANO
O alcalde quere subir a auga un 30% nos próximos tres anos
Foz a 17 de novembro de 2012.- O BNG de Foz quere manifestar a súa oposición á suba nas tarifas da auga que o alcalde pretende levar a cabo e presentar no próximo pleno da corporación. A proposta do alcalde inclúe tanto unha suba nas tarifas como o pago dunha indemnización a Gestagua como compensación que segundo a empresa tería que cobrar pola non revisión destas tarifas durante os exercicios 2008 a 2012.
O BNG EN CONTRA DUNHA SUBA DA AUGA QUE NON ESTEA NO CONTRATO
A suba que propón a empresa, a través do alcalde, é unha suba dun 30% nos próximos tres anos, repartida da seguinte maneira: un 10% no 2012, un 10% no 2013 e outro 10% no 2014. Entre o 2015 e o 2017 a suba sería a que resulte da aplicación da fórmula polinómica de revisión que se utilizaba ata agora. Hai que recordar que o ano 2017 é o ano no que remata o contrato con Gestagua.
Segundo apuntan diversos informes técnicos e xurídicos, nin no contrato inicial nin nas distintas prórrogas existe ningunha fórmula nin outra modalidade para aplicar dita revisión de tarifas, circunstancia totalmente anómala. A única fórmula de revisión de prezos é a que aparece na propia oferta de Gestagua e pola cal se fixeron anteriormente as revisións do ano 1998 e do ano 2000. Agora, Gestagua non pode pretender desmarcarse de dita fórmula alegando que non ten carácter vinculante e que pode modificala unilateralmente no transcurso de vixencia do contrato pois a oferta forma parte das claúsulas do contrato e debe ser cumprida de forma estrita polo adxudicatario.
Recordar que cando se lle renovou o contrato por 10 anos en abril de 2007 (votos do PSOE e do PP) a revisión das tarifas foi modificada substancialmente sen xustificación, podendo basearse nas melloras que esta tiña que facer por valor de 488.000 euros e que podía supor un desequilibrio económico no contrato, aínda que non se achegaron os datos necesarios para comprobar efectivamente con esta reconfiguración tarifaria se está a paliar esta circunstancia. A situación non mudou ao día de hoxe posto que as tarifas non volveron a ser modificadas como tampouco avaliado o impacto da mesma no devir da concesión. Lembrar que Gestagua non está a cumprir coa obriga de presentar informes semestrais da xestión.
Para o BNG a suba do 30% durante tres anos é esaxerada e o que é máis importante, no se axustan ao estipulado polo contrato subscrito entre o Concello e Gestagua e polo tanto correspóndelle, como membro da corporación e representante dos veciños, defender os intereses do concello. O que nos asombra é que non faga o mesmo o alcalde.
O BNG EN CONTRA DE RECOÑECERLLE UNHA INDEMNIZACION A GESTAGUA DE 514.084,58 €
A segunda “esixencia” da empresa Gestagua ao Concello é que se lle recoñeza o dereito a ser indemnizada tanto pola non actualización das tarifas dende o exercicio 2007 como polas minoracións de ingresos que terá se o concello realiza unha progresiva revisión ata alcanzar o índice do 2015.
Para o BNG, é certo que ninguén pode estar en contra de compensar os prexuizos que puideran derivarse da non actualización das tarifas entre 2008 e 2012 pero outra cousa é aceptar a cifra que a empresa pon enriba da mesa. A cantidade que solicita son 514.080 euros en total, distribuídos en 403.762 euros da xerada ata o momento actual (algo que debería ser comprobado polo concello) e outra cantidade de 110.321 euros que terá lugar entre 2013 e 2014. Como todo o mundo pode estar concluíndo, non pode pagarse un indemnización de algo que aínda non se produciu porque tampouco sabemos cales van a ser os ingresos que percibirá Gestagua no 2013 e 2014. Recoñecerlle isto podería ser constitutivo de delito, de prevaricación para riba.
En fin, para o BNG todo isto da idea do que sempre denominamos “o culebrón da auga” e das mútliples dúbidas que existen arredor da xestión da auga no noso Concello no que claramente teñen responsabilidades os alcaldes e os grupos políticos que cos seus votos permitiron chegar a esta situación, unha situación onde claramente está en xogo a defensa dos intereses públicos ou dos intereses privados. O BNG sempre estivo e estará defendendo os intereses públicos, como neste caso
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
