O venres día 16 de novembro, nun acto con numerosa asistencia de público, unhas 70 persoas, celebrouse no Cenima un acto encol do libro Doenças dum espelho de Laura Blanco, organizado por Librería Bahía.
A periodista Comba Campoy presentou o acto, no que interviron o editor do libro, Pepe Arias; Celso Dourado que comentou as imaxes da súa obra que ilustran o poemario e Laura Blanco, a autora, que dun xeito moi emotivo e intenso explicou a xénese dos poemas que compoñen o libro, o seu percorrido e o sentido do acto que se estaba a celebrar.
A cantante Najla Shami puxo música e voz no que foi un encontro moi sentido entorno á palabra e o seu poder evocador e creador.