O GRUPO DE GOBERNO FOCENSE DECIDE
30 de Novembro de 2012. O grupo de goberno do Concello de Foz decideu a próxima ubicación da nova depuradora de Foz sexa en Sarrido ante a abdicación da xunta de portavoces.
A falta de responsabilidade dos grupos da oposición que non aceptaron votar por ningunha das opcións viables, e despois das últimas declaracións públicas, nas que o Psoe e Bng atribúen ao Alcalde como único competente neste sentido, o grupo de goberno colle o testigo e asume o peso da decisión apostando pola opción que menos afección ten para a poboación, e para o sector económico-produtivo focense.
Sarrido será, segundo o Goberno Local o emprazamento proposto, tal e como defenderon dende un principio, avalados polos informes emitidos polas diferentes administracións,sendo a opción viable mellor puntuada, a máis illada e a que mellores garantías ofrece de provocar as menos molestias posibles.
O goberno focense comunicará estes próximos días a súa decisión aos grupos da oposición e o fará tamén mediante proposición de alcaldía ao pleno antes de que remate o ano.
A proposición que irá a pleno, ten 3 obxetivos fundamentais:
1-Facultar e apoiar ao Alcalde a realizar as xestións necesarias coa Xunta de Galicia para iniciar o proceso de eliminación da Edar do núcleo urbano de Foz, e con elo solucionar definitivamente o problema de cheiros e vertidos na ría.
2-Facultar e apoiar ao alcalde para que inicie as xestións para a compra dos novos terreos en Sarrido, de acordo á ubicación especificada no estudio de alternativas de Augas de Galicia, posto que é requisito a entrega dos mesmos por parte do concello.
3-Instar á Xunta de Galicia a que inicie o anteproxecto contemplando a ubicación da Edar en Sarrido.
Confiamos en que a oposición sexa leal aos intereses locais e non bloquee a tramitación deste expediente, porque estaría, como quedou sobradamente prexudicando os intereses do pobo, que reclama maioritariamente que se resolva o problema que xera a actual Edar de Foz.
O Sector turístico e hostaleiro, a asociación de comerciantes, a mesa local do comercio, asociacións de veciños e culturais do núcleo urbán, usuarios do porto, usuarios da piscina municipal, usuarios e postos do mercado semanal, comisións de festas, e a maioría dos veciños, en xeral, están pedindo á corporación que aposte por unha solución viable, inmediata, que elimine definitivamente as molestias.
Por outro lado, as administracións competentes e os técnicos puxeron todos os medios para facilitarnos a toma da decisión, e están esperando por nós para que decidamos iniciar a resolución dos problemas que está provocando a Depuradora de Foz, co risco de sufrir fortes sancións medio ambientais se non o solucionamos.
Recoñecemos que non é doado implantar unha Edar nalgún punto da costa focense, sabedores da riqueza natural que posuímos, dende a Ría de Foz ata a Punta da Areoura en Cangas son moitos os lugares e praias que merecen a máxima admiración polos focenses e por aqueles que nos visitan.
Deixamos claro tamén que a decisión e responsabilidade de levala para Sarrido é única e exclusiva do Grupo de goberno, que o único que necesita é que a oposición non a bloquee, xa que tampouco quixo posicionarse noutra alternativa viable.
Pedimos a todos os veciños de Sarrido,de Foz, e de Forxán que entendan que a decisión non foi doada para ningún dos grupos municipais, e que única e exclusivamente se tenta avogar polo interese xeral do noso concello.
En todo momento tentamos evitar os localismos ou e enfrontamentos das partes afectadas, e asumimos con responsabilidade que é noso deber tomar unha decisión inmediata.
Sarrido será o sitio elixido, esperando que todos aqueles que se ven afectados entendan a nosa decisión, e que non teñan a menor dúbida de que nos merecen, como non podía ser doutro xeito, o noso máximo respeto.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
