Dende a Comisión Executiva do PSdG-PSOE de Burela, queremos informar ós veciños de Burela da clase de equipo de goberno que nos está a gobernar.
Vimos de enterarnos da grande xestión que fixo o noso equipo de goberno municipal do PP no caso do despedimento dunha traballadora (axente de emprego), a todas luces por causas políticas, que executou o Sr Barcia e a súa tripulación nada máis chegar ó goberno de Burela. Este equipo de goberno pensa que pode facer o que lle ven en gana e cando lle ven en gana custe o que custe para os veciños e veciñas de Burela.
Esta traballadora acaba de gañarlle o xuízo polo seu despedimento ó Concello que nos vai a custar ós veciños e veciñas de Burela a cantidade de preto de 15.000 euros máis costas de xuízo. O que máis nos chama a atención é que o posto que ocupaba esta traballadora non é que desaparecese, non, o que fixo o Sr Barcia foi colocar a unha persoa afín á causa do Partido Popular, e todo isto sen importarlle o grave prexuízo económico que lle vai facer ás arcas municipais, ou sexa quítate ti que me poño eu. Ésta é a política do Partido Popular de Burela, colocar ós seus sexa como sexa e custe o que lle custe a todos os veciños e veciñas, dende o PSdG-PSOE non estamos de acordo con esta maneira de facer política, caciquil e clientelar. Non temos máis que dar unha volta polas mesas electorais e ver os interventores do Partido Popular cando temos eleccións para ver como funciona o Partido Popular de Burela, os favores hai que pagalos.
Asistimos unha vez máis á esperpéntica xestión que está a facer este equipo de goberno, que mentres corta o alumeado público, eliminan as axudas que concedía o Concello a asociacións e clubs deportivos e castiga ós veciños de Burela subindo as taxas e imposto preto dun 4%, permítese o luxo de despilfarrar os cartos dos veciños en despidos improcedentes, comidas, soldos desproporcionados e dietas inxustificables.
O que máis chama a atención é que no recurso que presentou o Concello despois do primeiro xuízo que perdeu, xa daba por feito que quería pagar os 15.000 euros, o único que expoñía nese recurso era que baixo ningún concepto readmitiría á traballadora despedida, có que queda claro que o único que quería o equipo de goberno era quitarse de enriba a esta traballadora que levaba catro anos desempeñando á perfección o seu traballo.
Dende o PSdG-PSOE non imos a pedir a dimisión do alcalde como máximo responsable, xa sabemos que unha persoa que leva tantos anos vivindo da política non a presentará, pero o que si queremos manifestar é que estas prácticas non axudan a unha hixiene democrática que nos tempos que corren é máis que necesaria. O que si lle esiximos ó Sr Barcia e ó seu equipo de goberno é que se fagan cargo do pago desta cantidade pola súa mala xestión, dende o PSdG-PSOE non queremos que os veciños e veciñas de Burela paguen os favores políticos do Sr Barcia. Tamén queremos recordarlle ó Sr Barcia, que estas prácticas raian a legalidade e que existen uns delitos que son o de prevaricación e tráfico de influencias que non andan moi lonxe deste tipo de prácticas.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
