Nesta ocasión, a celebración consistiu nunha reunión que xa se celebrou por parte dos socios o pasado día 16 de decembro, para tomar uns pinchos e ver por tv o partido contra o At. de Madrid e outro acto consistirá no desprazamento a Valladolid a vindeira fin de semana, 22 e 23 de decembro, para ver e animar en directo ó Barça.
Mais abaixo, expoñemos unha breve (ou non tan breve) reseña do que foi a fundación e a pequena historia da nosa peña, por si sodes tan amables facedes eco dela. 15 anos non se cumpren todo-los días e que 15 anos de traballo, constancia e adicación a unhas cores merecen ser difundidas pola nosa parte.
Moitas grazas de antemán e grazas porque sempre vos portástedes moi ben con nosoutros. Esperamos seguir dando guerra, cando menos outros 15 anos.
Pequena historia da Peña Barcelonista San Miguel.
Na pequeña localidade lucense de San Miguel de Reinante (700 habitantes aproximadamente), onde a metade da poboación é afeccionada ó F.C. BARCELONA e a outra metade non entende de fútbol, a finais da temporada 96-97 uns cuantos “entendidos de fútbol” xuntábanse no Pub Popeye para ver por televisión, disfrutar co seu equipo e celebra-los títulos do Barça, que por aquel entonces entrenaba o Sr. Robson.
Dende aquela, o Pub Popeye, pese ó madridismo do seu dono, pero co gran barcelonismo do resto da familia, Ina, sua nai, ó frente, empezou a colleitar un ambiente barcelonista que o fixo un referente na Mariña lucense. Por desgraza a día de hoxe, todo isto queda para a historia da peña, sendo unha páxina de ouro polos éxitos e festexos alí celebrados.
O 29 de xuño de 1.997, ó día seguinte de que o Barça se proclamase campeón da Copa do Rei no estadio Santiago Bernabeu (ainda temos na retina a volta de honra do entonces bicepresidente Joan Gaspar mentres soaba o himno do Barça), tras gañarlle ó Betis por tres tantos a dous, os agora presidente e vicepresidente da Peña, fixéronse a pregunta: “¿Cómo se pode facer unha Peña Barcelonista?”
Con máis ganas que saber, puxéronse mans á obra e contactaron via correo postal co F.C. Barcelona, quen lles facilitou unha información algo “pasada no tempo”.
Informados correctamente, o primeiro paso era constituir unha asociación sen ánimo de lucro e ser legalizada por parte da Xunta de Galicia. A comisión xestora para tal fin, estivo formada por José Carlos, Xoan Manuel, Jesús (todos eles Díaz Blanco), Alfonso Fuente e Abel Rocha Gallo.
Tras estos trámites burocráticos que levaron tres meses, a peña quedou legalizada. Posteriormente e seguindo os pasos de Joan Gamper, o fundador do F.C. Barcelona, publicáronse varias notas na prensa local, sobre a constitución da peña e a celebración de duas charlas informativas. A primeira dela, tivo lugar o 13 de decembro de 1.197, no Bar Venecia de Ribadeo, rexentado por aquel entonces por Cesar.
A segunda reunión tivo lugar ese mesmo día no Pub Popeye de San Miguel de Reinante. Á semana seguinte, o día 20 de decembro de 1.997, tamén no Pub Popeye, celebrouse a Asamblea constituinte, quedando definitivamente fundada a Peña Barcelonista San Miguel.
A primeira xunta directiva, quedou formada po-los cinco membros da comisión xestora, sumándose a eles, José Antonio Fernández (Toni de Popeye), Marco Antonio Vidal (Bisku) e Ivan Bermudez Castrillón (Mingón).
Finalmente, cos estatutos aprobados, a xunta directiva decidida, era momento de informar definitivamente ó F.C. Barcelona de que na Mariña lucense terían para sempre unha pequena parte do clube máis grande do mundo.
O Barça respostou autorizando definitivamente a peña e concedéndolle o número de credencia 1.194.
A partir de aquí, empezaron as andanzas desta peña, que leva os nomes do seu pobo, concello e provincia, por toda España, e transmite o sentimento barcelonista a toda A Mariña lucense.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
