ATA O 28 DE DECEMBRO ESTÁ ABERTA A INSCRICIÓN PARA PARTICIPAR NA CARREIRA SAN SILVESTRE RIBADEO 2012.
Ribadeo, 6 de decembro de 2012. O Concello e a Deputación Provincial organizan para despedir o ano a carreira San Silvestre Ribadeo 2012, que terá lugar o 31 de decembro.
Para as categorías inferiores dará comezo ás 16:40 horas polas rúas peonís de Ribadeo. A distancia que percorrerán os participantes na Mini San Silvestre será duns 400 metros. Haberá trofeo ao primeiro corredor e corredora en cruzar a meta e medallas para os 3 primeiros clasificados de cada categoría.
No caso da milla os nenos e nenas participantes percorrerán 1.150 metros tamén polas rúas peonís da vila. Nesta proba daránse cita os prebenxamíns, que son nados en 2005 e 2006, os benxamíns nados en 2004 e 2003 e os alevíns nados en 2002 e 2001. Haberá tamén trofeo ao primeiro corredor e corredora en cruzar a meta e medallas para os 3 primeiros clasificados de cada categoría.
Os adultos que participarán na San Silvestre Ribadeo 2012 percorrerán 4.937 metros. A saída estará situada na oficina de turismo e pasará por Clemente Martínez Pasarón, Avenida de Asturias, José Vicente Pérez Martínez, Avenida de Galicia, Virxe do Camiño, San Roque, Rosalía de Castro, carretera de Vilaselán, carretera do Faro, camiño das Barreiras, Leopoldo Calvo Sotelo, Rodríguez Murias, Ramón González, Doutor Moreda, Reinante, Villafranca del Bierzo e rematará na praza de España, diante do Concello.
Na San Silvestre 2012 establécense as categorías de infantil, cadete, junior, senior e veteranos masculinos e femininos. Haberá medallas para os 3 primeiros de cada categoría (masculino e feminino). Trofeos e premios en metálico para os 3 primeiros homes e 3 primeiras mulleres da categoría absoluta, ao igual que para dos 3 primeiros homes e 3 primeiras mulleres ribadenses. Os premios son de 100 euros, 50 euros e 25 euros e “non son acumulativos”, segundo explican desde a organización.
A inscrición é gratuita. Haberá un máximo de 400 en carreira nen@s e 1.200 en adultos. As inscricións na carreira absoluta e menores con DNI poderá facerse a través de internet na páxina www.championchipnorte.com ata o 28 de decembro ás 23:59 horas e de xeito presencial achegándose ata as oficinas de deportes e información xuvenil do Concello, na Casa da Xuventude, ata o 28 de decembro ás 14 horas. A terceira vía para inscribirse é enviando un correo electrónico a deportes@ribadeo.org tamén ata as 14 horas do 28 de decembro.
As inscricións dos nenos e nenas que non teñen DNI poderá ser presencial ou vía mail.
A retirada dos chips e dorsais da carreira absoluta realizarase o 31 de decembro entre as 15 e as 16 horas no Concello. Ao igual que a retirada de dorsais dos menores.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.