O Mago Teto, música e a festa de Nadal do PAI encherán de actividade esta fin de semana
-A oferta inclúe actividades para todas as idades así como outras máis específicas para público infantil ou adulto
Cervo, 20 de decembro de 2012-Cativos e adultos disporán esta fin de semana de varias opcións de lecer incluídas nas actividades de Nadal. Música, teatro, maxia e unha festa infantil completarán o programa previsto de venres a domingo.
O venres (17:00 horas, Casa da Cultura) desenvolverase a primeira actividade, o Peque Nadal. Trátase dunha festa organizada polo PAI de Cervo onde o alumnado se disfrazará de boneco de neve e ofrecerá un playback no que bailarán e representarán unha panxoliña. Ao mesmo tempo, proxectaranse as fotografías tomadas durante os ensaios da actuación e durante a colocación da árbore e dos adornos de Nadal. A sorpresa para os cativos será a chegada de Papá Noel, que lles ofrecerá agasallos. Durante a festa non faltarán os turróns e demais doces típicos destas datas.
O sábado pola mañá, a partir das 12:00 horas, será o momento dos cativos e cativas que participan no Obradoiro de teatro e panxoliñas, que comezou o pasado día 15. Esta é a segunda xornada desta actividade na que un total de 27 nenos e nenas ensaian unha breve obra teatral relacionada co Nadal así como unha panxoliña, pezas que interpretarán ante o público o día 30 de decembro.
Ese mesmo día pola tarde celebrarase o tradicional Festival da Unidade Pastoral, que comezará ás 17:00 horas na Casa da Cultura. Tres horas máis tarde chegará outra cita habitual no Nadal de Cervo como é a Tarde de Corais, na que actuarán a Coral Terramar de San Ciprián, a Coral Polifónica de Barreiros e o Coro dos Castros de Galdo.
O Mago Teto será o encargado de amenizar a tarde do domingo cos seus trucos de maxia (18:00 horas, Auditorio da Casa da Cultura). O ourensán ofrecerá unha actuación participativa e mesturada co humor que caracteriza os seus espectáculos. Un acto no que a Concellería de Servizos Sociais seguirá coa súa campaña de captación de fondos para a adquisición de medicamentos para os nenos e nenas dos campamentos de refuxiados saharauís.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
