Os bombeiros de Barreiros recadan alimentos para familias con dificultades económicas dos 10 Concellos nos que prestan servizo
– Farano nun maratón de fútbol sala benéfico os días 15 e 16 de decembro no Torques de Marzán de Foz cuxa entrada terá un único requisito: traer algún lote de comida
– Comerciantes da zona colaboran concedendo produtos para un sorteo tamén benéfico o día 16, e xoguetes que os propios bombeiros entregarán ós nenos ingresados no Hospital da Costa o venres 14
– Todo o recadado irá a mans dos Servizos Sociais municipais que o distribuirán entre as familias de Barreiros, Foz, Burela, Trabada, Mondoñedo, Lourenzá, Alfoz, O Valadouro e Riotorto que o necesiten
– Os interesados en sumar esforzos con esta causa poden contactar cos organizadores en bomberosbarreiros@gmail.com, 605-81-33-74/ 606-80-80-40, ou ben facer un donativo no seguinte número de conta do Banco Santander: 0049-12-2953-2190287441
O Deputado provincial Alfredo Llano, o Xefe do Servizo de Emerxencias da Consellería de Presidencia en Lugo, Javier Vales Villamarín, xunto cos cabos Fernando González e Álvaro Pico, presentaron este mércores as actividades benéficas que organizan os profesionais do Parque de Bombeiros de Barreiros, complexo posto en marcha polo Consorcio Provincial que integra Deputación de Lugo e Xunta de Galicia, co obxectivo de axudar a familias con dificultades económicas, pertencentes ós 10 Concellos mariñás nos que prestan cobertura, de cara ó Nadal. Estes municipios son: Ribadeo, Barreiros, Foz, Burela, Trabada, Mondoñedo, Lourenzá, Alfoz, O Valadouro e Riotorto. No acto tamén participaron representantes de Veicar, entidade adxudicataria da xestión indirecta das instalacións contraincendios do Consorcio na zona norte da provincia. (Barreiros, Viveiro e Vilalba).
Un maratón de fútbol sala para recadar alimentos. Esta é a iniciativa preparada para os días 15 e 16 de decembro, no Torques de Marzán, de Foz. Bombeiros dos parques de Barreiros, Viveiro, Vilalba e Lugo, ademais de Gardas Civís, Policías Locais e persoal dos servizos de Protección Civil e do 061 -todos eles de ditos 10 Concellos- participarán nesta iniciativa, formando entre 9 e 12 equipos. A entrada ó pavillón, aínda que de balde, terá un único requisito: traer algún lote de comida. Todo o recadado entregaráselle, posteriormente, ós traballadores dos Servizos Sociais dos municipios beneficiados co fin de que sexan estes profesionais, como máximos coñecedores da situación social dos seus Concellos, os que distribúan estes alimentos segundo as necesidades das familias que así o requiran.
O sábado 15, os encontros comezarán ás 10:00 horas e prolongaranse durante todo o día. O domingo 16, a xornada tamén arrincará ás 10:00 e continuará ata as 16:30 horas, momento no que se realizará un sorteo tamén con fins benéficos.
Comercio solidario
Sortearanse produtos moi variados, dende roupa (camisetas, bufandas…), complementos (bolsos, xoias…) e ata bonos para perruquería, que os establecementos destes 10 municipios concederon ós bombeiros de Barreiros de xeito totalmente desinteresado co obxectivo de colaborar na organización desta iniciativa. As rifas custarán 2 euros. Todo o diñeiro recadado tamén irá a parar a mans dos traballadores dos Servizos Sociais municipais.
Logo do sorteo, ás 17:30 disputarase a final deste maratón benéfico de fútbol sala. Finalmente, ás 19:00 horas, o Presidente do Consorcio Provincial de Bombeiros e da Deputación de Lugo, José Ramón Gómez Besteiro, fará entrega dos premios ós gañadores.
Entrega de xoguetes no Hospital
Os comerciantes da zona tamén concederon ós profesionais do complexo contraincendios barreirense xoguetes, que estes profesionais entregarán ós nenos ingresados na unidade de pediatría do Hospital da Costa, en Burela, o día 14 de decembro.
Xornada de portas abertas
Co fin de contribuír a que xente participe nestas actividades benéficas, os bombeiros organizarán o domingo 16 unha xornada de portas abertas, que terá lugar detrás do pavillón Torques de Marzán, simultaneamente ó Maratón de Fútbol, dende ás 11:00 horas e ata ás 16:00 horas, na que se poderá coñecer polo miúdo o servizo que prestan estes profesionais, así como os medios dos que dispoñen para elo. Esta iniciativa incluirá un simulacro de excarcelación, que se levará a cabo coa colaboración do 061.
Colaboracións
Todas as persoas que desexen colaborar con esta causa poden poñerse en contacto cos seus organizadores mediante correo electrónico, en bomberosbarreiros@gmail.com, ou por teléfono, chamando a 605-81-33-74/ 606-80-80-40. Tamén hai un número de conta para facer donativos: Banco Santander 0049-12-2953-2190287441.
Crear unha asociación social
Esta é a primeira actividade que organizan os bombeiros do Parque Comarcal de Barreiros pero non a última. O obxectivo destes profesionais é crear unha asociación con fins sociais para seguir impulsando actividades benéficas e axudar a persoas en risco de exclusión social da Mariña.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
