ESTA TARDE ABRE AS SÚAS PORTAS A DÉCIMA EDICIÓN DO MERCADO DO NADAL NO QUE PARTICIPAN UNHA TRINTENA DE ARTESÁNS. OS POSTOS ESTÁN SITUADOS, POR PRIMEIRA VEZ, NAS RÚAS PEONÍS DA VILA. SUÁREZ BARCIA CONVIDA A VISITAR RIBADEO NESTAS DATAS.
Ribadeo, 5 de decembro de 2012. Esta tarde abre as súas portas en Ribadeo a décima edición do Mercado do Nadal no que participan unha trintena de artesáns. Os postos neste 2012 están situados nas rúas peonís da vila. O alcalde, Fernando Suárez, convida a visitar Ribadeo nestas datas.
O rexedor quere convidar, como cada ano, “a todos os nosos veciños de Ribadeo a todos os nosos conveciños e amigos da Mariña de Lugo e do Occidente asturiano para que veñan gozar, para que volvan a Ribadeo a participar nesta décima edición do Mercado do Nadal, que empeza esta tarde e que vai ter continuidade todos os días da ponte ata o domingo pola noite”.
Suárez Barcia subliñou que “a diferenza dos últimos anos non vai haber un mercado na carpa que poñiamos sempre no parque de San Francisco senón que o mercado en si vai estar diluído nas rúas comerciais de Ribadeo a través duns 30 postos de artesáns que teñen en común que todos son profesionais da artesanía con certificación, que venden os seus produtos tanto alimentarios (doces, améndoas, licores, embutidos, queixos, etcétera) como outro tipo de artesanía (de cerámica, tea, coiro, prata, ourivaría, etcétera). Entre todos vanlle dar este aire de Nadal, co que sempre pretendemos atraer á xente aquí, a Ribadeo, a principios de decembro, nesta longa ponte”.
E engadiu “con isto o Nadal xa empeza en Ribadeo. Tamén este ano, de acordo coa asociación de comerciantes e custeando ao 50 por cento cada un, vamos acender o alumeado do Nadal, que é moito máis humilde do que foi en anos anteriores, pero que a pesares da situación económica creo que tamén vai ser bastante bonito. Estamos creando cousas para que a xente veña aos restaurantes, aos comercios, para que a veña a gozar de Ribadeo, que é do que se trata”.
O alcalde de Ribadeo tivo palabras de agradecemento para a Deputación de Lugo, “que nos axuda economicamente a custear unha parte moi importante deste Mercado do Nadal, que o que persigue é dinamizar o noso pobo, o noso concello”.
—————–
O VICEPRESIDENTE DA DEPUTACIÓN VISITA O X MERCADO DE NADAL DE RIBADEO O DÍA DA SÚA INAUGURACIÓN
Antonio Veiga destaca esta cita coa artesanía e a cultura como un reclamo turístico que permite dinamizar a economía da vila no mes de decembro
Arredor de 30 postos danse cabida en varias rúas peonís da vila dende hoxe e ata o vindeiro domingo, 9 de decembro
Ribadeo, 5 de decembro de 2012. O vicepresidente da Deputación de Lugo, o nacionalista Antonio Veiga, visitou a décima edición do Mercado de Nadal de Ribadeo, coincidindo co día da súa inauguración. Esta actividade, típica destas festas na localidade mariñá, está organizada polo concello de Ribadeo en colaboración coa Vicepresidencia do ente provincial e o Centro de Artesanía e Deseño de Lugo, e en sintonía absoluta coa ACISA, a Asociación de Amigos da Madeira, Amigos da Gaita, e o colectivo Sonda Norte.
Arredor de 30 postos de artesanía, instalados nas rúas peonís Rodríguez Murias, Ramón González e Reinante, danse cabida nesta cita que se prolongará ata o vindeiro domingo, 9 de decembro. Obradoiros, talleres, exposicións de arte e música completan o programa desta edición do Mercado de Nadal, que adoita atraer numerosos visitantes da comarca e do Occidente Asturiano.
Para Antonio Veiga “a celebración desta décima edición do Mercado de Nadal e a gran cantidade de postos que poñen á venda os seus produtos ano tras ano confirma que estamos ante unha cita totalmente consolidada na vila”.
“Unha cita – continuou Veiga – que permite dinamizar e impulsar a economía local, máis aínda se temos en conta a ubicación que este ano ten o mercado, posto que ao estar localizado nas rúas peonís da vila, donde se concentra unha gran parte do comercio e da hostalaría, os establecementos veranse beneficiados pola afluencia de veciños e veciñas e a visita de turistas que se animarán a pasar por Ribadeo estes días grazas ao reclamo no que se ten convertido este Mercado de Nadal”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
