O PIVOTE CESINHA SERÁ XOGADOR DO BURELA FS
O pivote César Augusto May Xavier, máis coñecido com Cesinha, será finalmente xogador do Burela FS Pescados Rubén. O brasileiro (Sao Paulo, 1985), que xa compartiu adestramentos co equipo mariñán durante a parada ligueira, foi presentado oficialmente na sede da entidade laranxa polo vicepresidente, Manuel Blanco, que definiu a nova incorporación como “unha prometedora alternativa na faceta ofensiva”.
“Esta será a miña primeira experiencia no fútbol sala español; estou moi feliz. O primeiro contacto co equipo foi moi bo, atopei moito apoio tanto do corpo técnico como do director deportivo, e gústame moito a tranquilidade de Burela” expresou o ‘canarinho’.
O pivote, que tivo a oportunidade de participar en diferentes amigables co Burela FS e na Copa Galicia ante o Santiago Futsal, transmitiu tamén as súas boas sensacións na pista. “Sentinme ben cos compañeiros. Aínda que fisicamente non estaba ao cento por cento, creo que a miña participación foi frutífera; os poucos minutos que xoguei creo que foron produtivos” confesou Cesinha, prometendo “seguridade e acomodación en ataque”: “A confianza que demostrou o club dáme máis vontade aínda para xogar. Espero contribuír aos obxectivos do equipo e se é anotando os máximos goles posibles, mellor” concluíu o brasileiro.
Dende a súa terra, Cesinha deu o salto ao fútbol sala ruso hai cinco anos; tras unha tempada no Politech de San Petersburgo, disputou dúas superligas no CSKA Moscú, para regresar despois ao Politech, nos dous últimos exercicios. No seu palmarés máis recente, destaca a Copa San Petersburgo 2008/09 e a Copa rusa en 2010.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
