Domingo, 24 de febreiro de 2013: A Fundación Rosalía de Castro, a Real Academia Galega, a Universidade de Vigo, e a Asociación de Gaiteiros Galegos, homenaxearon no día de hoxe a Rosalía de Castro, día no que se cumpre o 176 aniversario do seu nacemento. Fixérono da mellor forma posible, coa “Alborada para Rosalía”, un acto sen precedentes que fixo que os sons das nosas gaitas chegaran a todas as vilas e cidades do país unidas por un mesmo fin, honrar á nosa poeta.
Foron moitos os grupos de gaiteiros, as bandas de gaitas, corais, ou mesmo solistas que quixeron honrar a Rosalía coa súas interpretacións, lendo o manifesto creado para explicar o motivo e a razón da iniciativa ou recitando versos da poeta padronesa. Os grupos participantes pódense ver no seguinte enlace:
http://rosaliadecastro.org/chamamento-gaiteiros/
Unha segunda parte desta homenaxe é que todos os grupos gravaron e fotografaron as súas actuacións, para posteriormente poder colgalas na rede e darlle así ao evento a repercusión mundial que merece. O público asistente a estas actuacións que teña fotografías e/ou vídeos tamén pode difundilas nas distintas redes sociais co hashtag: #AlboradaRosalía.
Esta información audiovisual estará dispoñible xa dende hoxe para poder ver así o que ocorreu nos distintos lugares de Galicia no seguinte enlace: http://rosaliadecastro.org/
Dende a AGG manifestamos a nosa ledicia vendo a acollida que esta alborada tivo, chegando os sons das nosas gaitas á práctica totalidade de concellos galegos.
A Alborada de Rosalía
Foi a propia Rosalía a que no final de Cantares Gallegos, sitúa un poema que titula Alborada. Se no resto do libro son os versos dos cantares populares os que dan pé á escritora para crear os diferentes poemas, neste caso a autora segue o procedemento inverso, compón unha letra para unha música. Así o deixa por escrito nunha nota ao pé de páxina: “A mais grande dificultade qu’achey prá escribir esta alborada foy o meu deseyo de que sahise nún todo arregrada á música…”
Das alboradas que os gaiteiros tocan para espertar aos veciños nos días de festa, Rosalía pasa a querer espertar a conciencia da “toleirona mocidád”. É a mesma chamada a espertar do “sono” que xa estaba no poeta Añón e que despois de Rosalía quedará gravada para sempre no Himno de Pondal.
150 aniversario de Cantares Gallegos
Coas celebracións do día de hoxe comezan os actos do 150 aniversario da publicación de Cantares Gallegos, obra única coa que Rosalía abriu o proceso que se deu en chamar ‘Rexurdimento’ da literatura e da cultura galega.
Durante todo o ano, celebrarase esta efeméride con diversas actividades (exposicións, ciclos de conferencias, concertos, publicacións, eventos a pé de rúa, etc.) a realizar en toda Galicia, e coa pretensión de que teñan réplica en varios lugares do mundo.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
