26 MEDALLAS ACADARON OS ATLETAS VETERANOS DO C.D. EGOVARROS-VIVEIRO NO CAMPIONATO GALEGO DE PISTA CUBERTA
O pasado domingo celebrouse nas instalacións de Riazor (A Coruña), o Campionato Galego de Pista Cuberta de veteranos cunha masiva participación de atletas de todos os clubs Galegos, o campionato celebrouse en xornada de mañá e tarde, dando comenzo ás 11 da mañá e rematando ás 20 horas da tarde. Un ano máis os atletas da entidade vivairense demostraron estar entre os mellores de Galicia acadando 11 medallas de ouro, 9 de prata e 6 de bronce.
Entre os atletas que subiron ó podio están: Antonio Cabana que se fixo con 3 ouros na categoría de M70 nas probas de 400, 800 e 1500 metros; Antonio Hernández en M65 foi ouro en 3000 e 800 e bronce en 400 metros; Jesús Bernal M65, acadou 3 pratas nas probas de 400, 800 e 1500 metros; Fernando Ramos M65, fíxose co ouro en 1500 e prata en 50 metros; Francisco Barrientos M55 acadou duas pratas nas probas de 200 e 50 metros; Anxo Vigo M55 foi prata en peso e bronce en salto de lonxitude; Fermín Pan M55 foi bronce en 3000 metros; Emilio Martínez M50 acadou o ouro en 3000 metros; Andrés Piñón en M40 acadou o bronce en 3000 metros; Alejandro Carril M35 foi bronce nos 800 metros.
Na categoría feminina Begoña de Arriba en W55 fíxose con tres ouros en 1500 metros, 50 metros e lanzamento de peso; Francisca Romasanta W60 obtivo o ouro nos 800, prata en 400 e bronce nos 200 metros; Isabel Brea W60 foi prata nos 800 metros.
A próxima competición na que participarán os atletas do C.D. Egovarros-Viveiro será o vindeiro domingo no Campionato Galego de Cross de veteranos no Monte do Gozo en Santiago de Compostela.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
