Dende o Grupo Municipal Socialista de Foz advertimos das consecuencias que terá a área integrada única que o Goberno galego quere aprobar en Lugo, que eliminará a área norte de saúde, que abarca a comarca da Mariña con máis de 72.000 persoas asignadas distribuídas en 14 concellos, e alertamos de que esta medida dálle capacidade por lei á Xunta para eliminar servizos do Hospital da Costa, algo que xa vén sucedendo noutros lugares onde se implantou este sistema, como foi o caso de Ourense. Por outra banda, abre a porta aínda máis á privatización da sanidade e permite os traslados indiscriminados de pacientes a outros hospitais da provincia.
Os concelleiros do Grupo Municipal do PSdeG-PSOE de Foz, ao igual que xa se manifestou publicamente por outros representantes do Partido Socialista en Lugo, lamentamos o mutismo e a desinformación da Xunta ante as reiteradas preguntas para que expliquen cales son os seus plans para as áreas sanitarias da provincia, e criticamos unha decisión que parece que xa teñen tomada, coma sempre, de xeito unilateral, ás costas dos cidadáns e abusando da maioría absoluta sen escrúpulos.
Os representantes socialistas do Concello de Foz queremos apoiar ós colectivos e veciños coñecedores da actual situación, na loita polo mantemento da área sanitaria da Mariña e dos servizos do Hospital da Costa.
Debido a iso, ante a decisión do Goberno do PP de implantar unha soa área integrada para que os hospitais dependan de Lugo, que xa parece inminente, os concelleiros do Grupo Socialista de Foz defenderemos no vindeiro Pleno unha moción de urxencia coa finalidade de instar á Xunta de Galicia a manter a área sanitaria da Mariña con todas as competencias e servizos que ten na actualidade, e a frear a perda de calidade asistencial que suporá a xestión integrada.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
