A Xunta de Goberno aprobou este venres a contratación dos servizos de limpeza e vixilancia no Pazo de San Marcos, Museo Provincial, Fogar de Santa María e Pazo dos Deportes, rebaixando o custes destas prestacións en 120.000 euros con respecto ó ano pasado. O voceiro provincial socialista, Manuel Martínez, avanzou que con esta nova medida de redución de gastos correntes, a Deputación aforra case 4,2 millóns de euros ó ano.
1.- Rebaixa dos gastos correntes no Orzamento para este ano en 1,4 millóns de euros, que se engaden ós 2,2 millóns de euros de redución no 2012, acadando un aforro de 3,6 millóns de euros anuais nesta partida. Martínez salientou que “isto é posible debido ó esforzo no control de gasto levado a cabo en todas as áreas da institución e á disolución do INLUDES”.
2.- Redución da factura eléctrica en 130.000 euros ó ano coa medidas postas en marcha dende a Axencia Provincial da Enerxía.
3.- Rebaixa dos custes de telefonía en 236.000 euros anuais, reducindo a número de operadores e dispositivos móbiles tras avaliar as necesidades dos profesionais da institución con medios do programa tecnolóxico Innova-TE.
4.- Redución dos custes de material de oficina, como por exemplo papel ou equipos multifunción, en 80.000 euros ó ano, mellorando os pregos de contratación destas prestacións.
O deputado remarcou que “finalmente, coa rebaixa en 120.000 euros anuais nas contratacións dos servizos de limpeza e vixilancia que acordamos hoxe, a Deputación aforra un total de 4.166.000 euros ó ano coas nosas medidas de redución de gastos correntes”.
100.000 euros para a USC
A Xunta de Goberno aprobou conceder á Universidade de Santiago de Compostela unha subvención de 100.000 euros para garantir a celebración en Lugo do Máster de Riscos Laborais e Saúde Ambiental ata 2017. Martínez destacou que “ó igual que vimos facendo dende 2007, esta institución achega o groso do orzamento necesario para a organización doutras 5 novas edicións desta iniciativa na Facultade de Ciencias do Campus lugués, dentro da nosa aposta pola formación especializada nos eidos con más futuro para favorecer a inserción laboral”. Hai que ter en conta que, na actualidade, todas as empresas contan cun gabinete de prevención de riscos laborais ou ben contratan este servizo a persoal externo. Temos, polo tanto, unha forte demanda de profesionais especializados que sexan capaces de implantar condutas e actitudes que reduzan a siniestralidade e aumenten o benestar no traballo. Boa mostra disto é que todos os anos as 20 prazas dispoñibles deste Máster sempre se cobren, quedando xente na listaxe de espera. Máis dun centenar de profesionais de toda Galicia e ata de Sudamérica, principalmente enxeñeiros e arquitectos, así como titulados sen Relacións Laborais, químicos ou biólogos, realizaron este posgrao. Isto fixo posible que hoxe traballen como Técnicos Superiores nas especialidades de Seguridade no Traballo; Hixiene Industrial; Ergonomía e Psicosocioloxía Aplicada; ademais das referidas á formación en auditorías, protección de Riscos Laborais na construción; Toxicoloxía laboral e Saúde medioambiental.
Blindando este máster na provincia ata 2017, a Deputación concede á USC 100.000 euros, repartidos en 5 anualidades (2013, 2014, 2015, 2016 e 2017) de 20.000 euros cada unha.
Outros acordos
Na sesión tamén se aprobaron as contas xustificativas de 34 obras do Plan de Comunidades Veciñais, executadas en 21 Concellos e dotadas de 290.000 euros, que a Deputación aforra ós municipios ó asumir a totalidade dos custes das melloras realizadas nas dotacións públicas locais. “Como poden constatar, este Goberno Provincial segue a resolver os traballos deste Plan nun tempo récord de 15 días fronte a un Partido Popular que deixou sen pagar obras desta programación de 204, 2005, 2006 e 2007, ata que chegamos nós”. A día de hoxe, a Deputación aboou o 90% destes traballos, 201 obras das 232 que hai en total, quedando pendente só 31 actuacións para as que, en todos os casos, o organismo provincial está pendente de recibir a documentación necesaria por parte dos colectivos beneficiados para a súa xustificación e posterior pago.
As 34 obras aprobadas beneficiaron ós veciños dos seguintes Concellos: Becerreá, Burela, Castro de Rei, Castroverde, Cervo, O Corgo, Láncara, Lourenzá, Monforte de Lemos, Outeiro de Rei, O Páramo, Paradela, A Pontenova, Pobra do Brollón, Quiroga, Ribas do Sil, Ribadeo, Sarria, Sober, Xermade e Viveiro.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
