Ata o 17 de marzo os restaurantes ribadenses La Solana e San Miguel, ubicados no porto deportivo, ofrecen ós seus clientes a Quincena do Mar na que é posible saborear exquisitas racións, varias preparacións de merluza, rape e sargo e tamén un menú degustación. José Blanco, cociñeiro e propietario de La Solana, explica que “a idea xurdiu aproveitando que Ribadeo é centro gastronómico da zona”. Así, “podemos promocionar o porto como punto gastronómico de referencia dentro de Ribadeo e de toda a comarca a ambos lados da ría”, engade. Pola súa parte, José Ramón Rodríguez, cociñeiro e propietario do San Miguel, sinala que “uníronnos as ganas de facer algo importante para o porto, que a xente recorde que estamos aquí…”. Os que se acheguen ós restaurantes San Miguel e La Solana poderán desfrutar de racións degustación ó prezo de 6 euros cada unha. Ademais, José Ramón Rodríguez e José Blanco ofrecen varios pratos recomendados ós seus clientes cuns prezos que oscilan entre os 17 e os 20 euros.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
