Os creadores da web Xeración Xabarín, ata agora accesible no enderezo http://xabarin.org, denuncian a ameaza de emprender accións legais na súa contra por parte da CRTVG. Así, explican que “vímonos obrigados a retirar a web da rede”. Por outra banda, argumentan que “foi a nosa web a que mantivo aceso ó fenómeno Xabarín estes últimos anos”, dende a súa creación no ano 2007 co obxectivo de constituír un espazo feito por e para fans a través do que ofrecer información sobre o Xabarín Club, como por exemplo, a forma de “facerse socio do club que non se pode atopar na web da CRTVG”, manifestan. Nas redes sociais tamén denuncian a falta dunha conta oficial no twitter “sendo a feita por nós a que interactuaba cos fans e informaba das novas relacionadas co club”. A despedida da web pódese atopar no twitter da Xeración Xabarín.
A web feita por fans do Xabarín é retirada da rede
Relacionado
-
O grupo de danza da Escola Municipal de Música e Danza de Ribadeo foi convidado polo Conservatorio Profesional de Danza de Lugo a participar no “Encontro de Centros de Danza” que terá lugar este sábado, 26 de abril, na capital lucense
-
O Concello de Viveiro, en colaboración co Conservatorio, organizará en maio un curso gratuíto para adultos que desexen iniciarse na música
-
O delegado territorial da Xunta en Lugo, Javier Arias, participou este xoves na presentación da Festa da Filloa de Muimenta (Cospeito), declarada de Interese Turístico de Galicia, que se celebra o 1 de maio no recinto feiral Manuel Vila López e que conta co apoio da Xunta
A Deputación achega 50.000€ ao Concello de Vilalba para a organización deste evento. O festival, que agarda recibir este dous días a milleiros de persoas, contará con artistas de renome como Varry Brava, Joe Crepúsculo, Shinova, León Benavente e The Rapants, entre outros. Pablo Rivera destacou a importancia do evento, que se celebra desde 2008, e subliñou que “o FIV é unha cita consolidada no panorama musical da comarca e da provincia, e desde a Deputación queremos continuar a apoiar este evento cultural, que tamén repercute positivamente na economía local”.
As crianzas de 3 a 6 anos, poden facer o seu marcapáxinas orixinal. As crianzas de 7 a 11 anos, deben continuar o relato que se inclúe no cartaz. As persoas de 12 anos en diante, poden escoller entre contar unha anécdota familiar ou seguir a historia que aparece no cartel. O prazo remata o 30 de abril para presentar os traballos a través do correo prensa@concellodecervo.com ou por whatsapp ao 683315939.
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
