Os socialistas denuncian que a Xunta recorta profesorado en centros con máis alumnado, incumpre as ratios pactadas cos sindicatos e repite erros xa corrixidos no curso anterior
Lugo, 13 de setembro de 2025. O Grupo Provincial Socialista vén de rexistrar unha moción para reclamar á Xunta de Galicia que poña fin aos recortes educativos que están a deteriorar a calidade da ensinanza pública no rural. A iniciativa socialista, que se debaterá no vindeiro Pleno da Deputación de Lugo, denuncia que, maila que Galicia perdeu máis de 20.000 alumnos nos últimos cinco anos, a Xunta segue reducindo cadros docentes, modificando unilateralmente os acordos cos sindicatos, suprimindo desdobres xa implantados e deixando sen cubrir especialistas ou docentes de apoio.
Segundo o Grupo Socialista, “trátase dunha política que repite erros xa corrixidos no curso pasado e castiga con especial dureza aos centros do rural, onde cada praza eliminada supón un retroceso na igualdade de oportunidades”.
A moción recolle tamén as queixas das familias e das ANPAS que, un ano máis, tiveron que mobilizarse para reclamar profesorado suficiente e denunciar o incumprimento das ratios pactadas. O texto pon exemplos concretos desta política de recortes en diferentes concellos da provincia: no CEIP Virxe da Luz de Portomarín, a Xunta eliminou un cuarto profesor de Primaria e deixou sen cubrir a praza de Inglés; no CEIP do Páramo, decidiu agrupar alumnado de diferentes ciclos e idades en só dúas aulas; e no CEIP Península da Paz de San Cibrao, a dirección e a ANPA tiveron que solicitar que se mantivese o desdobre dunha aula con 23 alumnos, xa aplicado no curso anterior.
A voceira provincial do PSdeG, Pilar García Porto, denunciou que “nos centros con máis alumnado matriculado, a Xunta do PP recorta profesorado, incumpre as ratios de agrupamento asinadas cos sindicatos e nin sequera mantén as solucións que tiveron que aceptar o curso pasado pola mobilización das familias”. E engadiu: “O caso do CEIP Virxe da Luz non é unha anécdota: é un exemplo do sen sentido que rexe a xestión educativa da Xunta de Galicia”.
A través desta moción, o PSdeG esixe que a Xunta manteña no CEIP Virxe da Luz de Portomarín o cadro docente do pasado curso, incluído o cuarto profesor de Primaria e que cubra de inmediato a praza de especialista en Inglés. Ademais, reclama que se respecten as ratios de agrupamento pactadas cos sindicatos en outubro de 2023, así como a garantía dun cadro docente suficiente en todos os colexios da provincia, especialmente nos do rural.
“Cada curso non se pode volver empezar repetindo os mesmos erros. A defensa dunha educación pública de calidade, gratuíta e universal é unha prioridade irrenunciable, porque dela depende a igualdade de oportunidades e o futuro do rural lucense”, conclúen os socialistas.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
