Ribadeo, 12 de setembro de 2025. Nuns días comezarán as obras de mellora no colexio Gregorio Sanz. A construción do peche perimetral, con material reciclado, é un proxecto único en Galicia.
O alcalde, Dani Vega, indicou que “hoxe visítanos o conselleiro de Educación, Román Rodríguez, para explicar as novas inversións que darán comezo nos próximos días tanto o peche perimetral como o plan de humanización. Más de 400.000 euros de inversión en total, plan de humanización, que primeiro fixemos un traballo de desmeste e de conservación de todo o entorno, e agora o plan de humanización o que quere é plantar árbores autóctonas e tamén e novo equipamento para que as nenas e os nenos xoguen no colexio”.
O rexedor lembrou que “é un plan que xa vimos definindo e trazando durante estes anos. Agora xestionamos o orzamento, licitouse, adxudicouse e comezan as obras. E tamén así no peche perimetral. Era fundamental investir, non é un tema que xurdira novo, leva moitos anos abandonado e tiñamos que xestionar un orzamento, e evidentemente licitar e agora adxudicouse e vamos comezar as obras en días próximos”.
Vega subliñou que “son 400.000 euros de inversión que hoxe Román Rodríguez, o conselleiro de Educación, ven explicar ao colexio Gregorio Sanz. E quero agradecer o traballo tanto á dirección nestes momentos, como á dirección naquel momento, e a todo o profesorado, a todas as nais e pais que reivindicaron constantemente melloras no colexio e tamén agradecer evidentemente á Consellería e concretamente a Román Rodríguez, o conselleiro, que todas as peticións que facemos dende este Concello son escoitadas. Destacar que o peche perimetral é único en Galicia, é feito de material reciclado, é un proxecto que propuxo o Concello de Ribadeo, tamén é moi novidoso un peche perimetral único en Galicia, un proxecto piloto que evidentemente vaise estender polos colexios de toda Galicia”.
E engadiu: “Ribadeo volve innovar, Ribadeo volve propoñer e Ribadeo segue avanzando cunha xestión permanente e continua”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
