En relación coas últimas noticias publicadas sobre a marcha de Alimentos Lácteos, a dirección da empresa aclara nun comunicado que a situación na que se encontra a compañía é a de preconcurso. Nesta situación iniciáronse as conversas necesarias cos distintos acredores para habilitar a continuidade das operacións e a viabilidade do proxecto.
De cara á solución de continuidade, contamos co esforzo das cooperativas socias, e atopamos, no Grupo Leche Pascual, un aliado que esta prestando a máxima colaboración no plantexamento dunha solución global, implicándose no proceso moito máis alá da súa condición de propietario das instalacións.
Nesta situación, a Dirección, decidiu plantexar ao Comité de Empresa o establecemento dun ERE temporal que garanta as percepcións salariais. Este ERE adaptarase ás necesidades da planta en canto se reinicie a actividade, o que agardan que se produza na maior brevidade posible. O plan de negocio para o que agora se busca financiamento, non so contempla a reincorporación de toda o plantel, senón o incremento deste para chegar a niveis de produción máximos e obter, así, o rendemento óptimo da industria.
En calquera caso, esta solución de futuro, depende de que todas as partes implicadas cheguen a acordos lo antes posible. “Estamos poñendo todo o noso empeño para que este parénteses na produción se dilate o menos posible”, afirman dende a dirección.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).