Espazo Ecosocialista cre que as mulleres ao fronte son necesarias para novo proceso constituinte e os seus dereitos deben estar no centro da nova democracia
A crise económica e a degradación da democracia está a facer retroceder os dereitos das mulleres
Este 8 de marzo, Día Internacional das Mulleres, ven marcado pola crise económica e polo esgotamento do modelo político-institucional saído da transición. A perda de conquistas sociais e dereitos políticos dos últimos tempos ten nas mulleres ás súas principias afectadas.
Espazo Ecosocialista considera que os dereitos das mulleres deben estar no centro da nova democracia e súmase neste día a todas as mulleres que defenden a súa participación en pé de igualdade co home na sociedade e o seu desenvolvemento íntegro como persoas.
Asistimos no contexto actual ao final dun sistema social e económico. Estamos nun fin de época e o modelo alternativo que propugnamos apela a novas relacións sociais baseadas nos valores cívicos e democráticos. As actuacións decididas de toda a sociedade en todos os ámbitos posibles, sociais, políticos, económicos e culturais, que permitan a superación dos actuais obstáculos que dificultan ou imposibilitan a igualdade real e efectiva entre mulleres e homes, servirán tamén de cerne para a transformación social. O cambio non será posible sen contar co 50% da sociedade.
Espazo Ecosocialista considera que as mulleres, particularmente as mozas, vense hoxe moito máis afectadas pola perda de postos de traballo e pola maior precariedade nos postos que ocupan na situación actual de masiva destrución de emprego. Os datos de poboación activa de 2012 son desoladores, con 6 millóns de parados. Á redución do sector público polo desmantelamento de servizos por parte das administracións, xúntaselle a caída do sector privado. En Galicia, no ano 2012, só 483 900 mulleres estaban empregadas, o que representa unha taxa de actividade do 50%.
Nesta situación as ecosocialistas lembran que a situación das mulleres no desemprego é moito peor ca dos homes, estas están menos protexidas e durante menos tempo debido precisamente a súa peor situación laboral. Os empregos das mulleres concéntranse no sector servizos, con empregos precarios, temporais e a tempo parcial. Os sectores de actividade feminizados comparten a miúdo un baixo prestixio social e salarios cativos. A brecha salarial de xénero, que no 2012 situouse no 22%, é factor tamén está a influír na feminización da pobreza e da exclusión. As prestacións sociais contributivas, como o paro e a xubilación, vense directamente afectadas polo menor salario.
A Declaración Universal de Dereitos Humanos de 1948 proclama que todos os seres humanos nacen libres e iguais en dignidade e dereitos, e que toda persoa ten todos os dereitos e liberdades sen distinción de sexo. Por isto, as dimensións da igualdade de xénero deben estar presentes nas actuacións que se desenvolvan para saír da actual situación en todos os seus niveis.
As ecosocialistas queremos facer unha mención especial ao esforzo das organizacións de mulleres que historicamente traballaron (e seguen a traballar) pola igualdade plena entre mulleres e homes.
Espazo Ecosocialista quere tamén lembrar o lema da ONU para o 8M de 2013 que é precisamente Unha promesa é unha promesa: é a hora de actuar para acabar coa violencia contra a muller. A violencia de xénero supón a vulneración máis frecuente dos dereitos humanos no mundo e a súa causa hai que búscala na discriminación que sufren as mulleres respecto aos homes. A comunidade internacional debe comprometerse moito máis firmemente para acabar co sufrimento das mulleres e eliminar toda forma de discriminación contra a muller.
Espazo Ecosocialista aproveita a conmemoración do Día Internacional das Mulleres para afondar na construción dunha sociedade sostible, democrática e pacífica, con plena igualdade entre homes e mulleres, sen violencia de xénero, sen discriminación en razón de sexo. No proceso constituinte que reivindicamos só a transformación social e o traballo conxunto de homes e mulleres nos novos papeis que a sociedade demanda conseguirá modificar o rol que xoga a muller, así como a plena igualación en dereitos entre homes e mulleres en todos os aspectos, traballo, política, familia e vida social en xeral.
Hoxe máis que nunca faise necesario encetar un novo proceso constituínte que amplíe os dereitos sociais e as liberdades, pero conscientes de que sen mulleres ao fronte non haberá unha nova democracia.
Espazo Ecosocialista Galego, xunto con Alternativa Galega de Esquerda (AGE) apoia e participa nas accións e iniciativas que as organizacións de mulleres convocan en toda Galicia arredor da data do 8 de Marzo.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
