Gabriel Galante, do Club de Tiro Castelarco, participa na 4ª Liga Nacional de Cadetes

Gabriel Galante Briones, arqueiro do club de Tiro Castelarco na categoría infantil participará a vindeira fin de semana na 4ª Liga Nacional de Cadetes (1ª tirada) na modalidade de arco recurvo que se celebrará nas instalacións deportivas da Real Federación Española de Tiro con Arco, en Madrid.

A Liga cadete desenvolverase por medio dunha clasificatoria seguida da serie Olímpica para cadetes en arco curvo e da Serie de Encontros para cadetes arco composto. Tanto na clasificatoria coma nas eliminatorias, os cadetes de arco recurvo tirarán a 60 metros.

Esta competición é a primeira de tres da que sairán a selección de deportistas que poderán participar nas saídas internacionais de Categoría Júnior e Cadete. Para o que os mesmos obtiveron as puntuacións mínimas de referencia fixadas pola Federación Nacional (650 puntos sobre 720 máximos para a categoría de cadetes). No caso de que non se realicen as puntuacións mínimas de referencia nas probas clasificatorias determinadas para iso, o corpo técnico determinará a asistencia ou non dos arqueiros a esa proba, podendo elixir arqueiros con menor puntuación que outros nos clasificatorios (sempre que non se obtivera a puntuación mínima) ou deixando vacante a praza ou prazas.

Terán preferencia para o corpo técnico aqueles arqueiros de recurvo que naceran nos anos comprendidos entre 1997 e 1999, xa que o Campionato do Mundo (a celebrarse a finais de outubro en China) é ademais clasificatorio para os XX.OO. da Xuventude e só os deportistas nacidos neses anos son os que poderán participar no Torneo Preolímpico.

Gabriel nacido en 1999, estaría dentro do criterio enunciado anteriormente; polo que se atopa ilusionado e traballa duramente (polas mañás realizando traballo físico antes de ir ao Instituto e polas tardes practicando técnica). É un dos favoritos a entrar no equipo nacional, xa que desde a súa estancia no Centro de Alto Rendemento de Madrid no mes de novembro, o adestrador e seleccionador nacional, o coreano Hyunymok Cho; se fixou nel pola súa calidade técnica.No caso de entrar no equipo nacional, Gabriel cumpriría un dos seus obxectivos: poder competira nivel internacional e, quizás, ser olímpico.