O presidente da LNFS, Javier Lozano, e o seu homólogo na FGF, José García Liñares, presidirán o acto
O CD Burela FS Pescados Rubén estreará a súa nova sede, sita na Avenida Arcadio Pardiñas, número 91, baixo, o vindeiro sábado, coincidindo con outra festa do fútbol sala de elite na Mariña, a visita do todopoderoso ElPozo Murcia. O acto de inauguración, previsto para as 12.00 horas, estará presidido polo presidente da Liga Nacional de Fútbol Sala, Javier Lozano, e o seu homólogo na Federación Galega de Fútbol, José García Liñares; a estrutura laranxa tamén estará arroupada neste día tan especial por representantes da Xunta de Galicia, Deputación de Lugo e o Concello de Burela, entre outras personalidades.
O club burelista cóase no centro neurálxico da vila mariñá para brindar unha maior proximidade a socios/as laranxas e afeccionados/as ao mundo do fútbol sala. Ademais das oficinas de xerencia deportiva, corpos técnicos e ED EON Burela FS, as novas instalacións acollerán a área de Atención ao Socio e unha nova proposta coa Tenda Laranxa, que ofrecerá unha ampla gama da indumentaria deportiva do Burela FS e unha innovadora e carismática liña de complementos de xoiería (reloxos, pulseiras, colares, chaveiros…).
Tras a inauguración oficial, a nova sede laranxa estará aberta ao público para quen queira visitar as instalacións, ata as 14.00 horas.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
