Ao acto, previsto para as 13:15 horas na depuradora, acudirán o director de Augas de Galicia, Francisco Menéndez e a delegada da Xunta en Lugo, Raquel Arias.
Cervo, 23 de marzo de 2013-O Concello quere convidar a toda a veciñanza a acudir á inauguración oficial da Estación Depuradora de Augas Residuais de Cervo que terá lugar este luns día 25 de marzo ás 13:15 horas. Un acto no que estarán presentes o alcalde de Cervo, Alfonso Villares e demais membros do goberno local, o director de Augas de Galicia, Francisco Menéndez e a delegada da Xunta en Lugo, Raquel Arias.
O obxectivo do Concello con esta convocatoria aberta é “que a veciñanza sexa partícipe da inauguración deste equipamento público tan importante para o núcleo de Cervo” tal e como explica o rexedor “e que supuxo un destacable avance no saneamento desta vila”.
A nova Edar leva funcionando dende mediados do ano pasado. Unha instalación da que cabe destacar a utilización dun sistema innovador de depuración ecolóxica na que plantas acuáticas en flotación encárganse de depurar a auga. Un método que permite aforrar enerxía durante o proceso e ao mesmo tempo, “é respectuoso co medio ambiente” engade Villares.
Este equipamento vai ligado á nova rede de saneamento do núcleo de Cervo que foi recepcionada no pasado mes de agosto. Unhas obras, tanto as da rede como as da depuradora, que foron financiadas polo ente público Augas de Galicia e que incluían canalizacións independentes para augas residuais e fecais de forma que se minimizaba o risco de enchentes nunha zona na que se viñan producindo inundacións nos últimos anos.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
