O voceiro provincial socialista, Manuel Martínez, avaliou hoxe o resultado das “austericidas” políticas de Feijóo en Lugo cando está a piques de cumprir 4 anos e 100 de días á fronte do Goberno galego, denunciando que “só de dedicou a mentir ós lucenses. Agora desmantela os Hospitais da Costa e de Monforte coa creación dunha Área Sanitaria de Xestión Integrada en Lugo, que prometera non facer no 2009, ignorando a opinión de profesionais, compañeiros de partido ou miles de cidadáns que saíron, e obrigando ós 120.000 usuarios destas instalacións a desprazarse máis 100 quilómetros ata a capital luguesa para contar con diferentes especialidades sanitarias. Pero non con todas. Os lucenses non temos Hemodinámica as 24 horas, Radioterapia, Medicina Nuclear ou Cirurxía Pediátrica porque Feijóo prefire que nos despracemos a outras provinciais galegas, poñendo en risco a nosa saúde e facendo que para os lucenses a sanidade sexa máis custosa e menos universal”.
Martínez engadiu que “os resultados das austéricas políticas de Feijóo supuxo que os lucenses gastemos 500.000 euros ó mes co repago das menciñas, cartos que se ingresan nas arcas autonómicas. Nembargantes, non contamos co financiamento da Xunta para servizos sociais e políticas activas de emprego como os restantes galegos porque, para isto si, Feijóo trata os lucenses como cidadáns de segunda”.
Destrución de emprego
Sobre a situación laboral, o voceiro socialista subliñou que “Feijoo fixo que Lugo fose a provincia galega onde máis se incrementou o paro, con case 30.000 lucenses desempregados na actualidade. Todo fai indicar que esta cifra seguirá a aumentar coas políticas de desertización e da avestruz que Feijóo adopta co tecido empresarial. Nada fixo por solucionar a situación de Alimentos Lácteos malia concederlle subvencións de 5 millóns de euros. Tampouco actuou en con Cosmos ou Tablicia. Por iso, hoxe perigan os 2.200 empregos que xeran estas tres factorías na provincia. Todo isto, tras destruír os 7.000 empregos que se xeraría o concurso eólico en Lugo, que Feijóo decidiu paralizar por intereses persoais e partidistas, tal e como demostrou a xustiza”.
Rural, infraestruturas ou preferentes
Ó respecto do rural, Martínez subliñou que “o único que acadou Feijóo en Lugo foi o peche de 1.7000 explotacións, o desmantelamento de Preescolar na Casa que beneficiaba a 700 cativos ou o peche de 40 unidades escolares”. Sobre as infraestruturas lucenses, “nada sabemos da Ronda Leste, seguimos sen a VAC na Mariña, sen o Porto Seco ou sen mellorar as instalacións portuarias malia as repetidas promesas incumpridas”. O socialista remarcou que “e que podemos dicir cando 14.000 lucenses afectados pola preferentes seguen á espera dunha solución por parte de Feijóo, quen ata recoñeceu ser coñecedor do problema que provocarían estas participacións e, aínda así, nada fixo mentres os veciños investían nelas todos os seus aforros”.
O voceiro sentenciou salientando que “van 4 anos e 100 días de mentiras, de desprezo absoluto ós lucenses, de desgoberno, desmantelamento dos servizos público e de abandono total en Lugo da principal administración galega”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
