O PSdeG-PSOE de Burela denuncia a discriminación dos concelleiros socialistas por parte do Concello

Dende o PSdG-PSOE de Burela xa levamos tempo denunciando que ó PP de Burela lle parece que o Concello é o seu rancho e que poden facer ó que lles ven en gana nel. Dende o PSdG-PSOE de Burela entendemos que non pode ser así, e que o Concello é a casa de todos e todas as veciñas de Burela, máis aínda en caso de ser un representante dos veciños como é o caso dos concelleiros do PSdG-PSOE ou dos membros da oposición.

Dicimos isto en relación ós feitos que sucederon o pasado día 20 de marzo cando a concelleira do PSdG-PSOE, Remedios López,foi ó Concello a solicitar unha documentación á que ten dereito como concelleira, e se atopa que cando vai a recoller o seu coche aparcado no aparcamento do Concello ten a un policía municipal que a instancias do membro do Partido Popular de Burela, o tristemente famoso Manuel Fernández Valle, lle di que ten que sancionala por aparcar nun sitio non autorizado, ó que a concelleira Remedios López resposta que entende que non debe ser sancionada xa que no mesmo recinto están aparcados coches de outros concelleiros, o do Sr Fernández Valle estaba aparcado xusto ó lado. De tódolos xeitos, a concelleira acepta que se lle impoña a sanción sempre que lle indiquen a ordenanza que impide o uso do aparcamento do Concello ós concelleiros e en caso de que así fose, indica que tamén se debe de sancionar ó resto de concelleiros que teñen o coche alí aparcado,entre eles o do Sr Fernández Valle. Despois de preguntar por este asunto no Pleno Ordinario celebrado o día 21 e que non se tivera a decencia política de explicar ó Pleno e ós veciños o sucedido,o PSdG-PSOE de Burela quere manifestar o máis profundo malestar pola situación que tivo que vivir a nosa concelleira, Remedios López, entendendo estes actos máis propios de outras épocas onde a persecución política estaba á orde do día.

Entendemos que estas situacións merecen unha explicación, e débese de explicar ós veciños e veciñas polos responsables deste tipo de actos como se chama a un policía municipal e se lle fai deixar o servizo que estaba a efectuar nun colexio para este tipo de accións totalmente censurables e faltas de toda lóxica. Non imos a consentir que se intente amedrentar a ninguén por razóns políticas e menos aínda ós nosos concelleiros, e reiterar unha vez máis que non nos van a calar e imos a seguir facendo oposición tal e como nos mandataron os veciños e veciñas de Burela despois das eleccións municipais, pese a quen lle pese, non imos a facer deixadez de funcións, como fai o equipo de “desgoberno” do PP de Burela, nestes momentos nos que o noso pobo está a ser “desgobernado” polo peor goberno municipal da historia de Burela.

Pedimos explicacións ó Sr Fernández Valle sobre estes feitos, e fraco favor lles está facer ós veciños e veciñas de Burela adicándose a perseguir ós membros da oposición en lugar de buscar obras e inversións para Burela. Canto máis tempo pase sen que este señor abandone as súas funcións no Concello de Burela peor vai a ser para a vida dos veciños e veciñas xa que demostra unha falla de traballo, un aproveitamento do seu posto, unha falla de democracia e saber estar realmente preocupantes.