Obradoiros con Alma é un proxecto de colaboración ente os artesáns da zona da Mariña de Lugo. O seu propósito é difundir saberes locais coma a carpintería de ribeira, cerámica, encaixe de bolillos, alfarería tradicional, torneado de madeira, o oficio de ferreiro ou das redeiras, entre outros, mediante talleres e demostracións en vivo.
Os 13 artesáns que forman parte deste grupo deciden traballar xuntos para axudarse na promoción do seu traballo. Para iso convocan unha variada axenda común de actividades, talleres e demostracións en vivo. Os talleres arrancan formalmente esta Semana Santa con 14 actividades programadas e continuarán durante todos os sábados do ano. E naqueles oficios nos que non é posible facer un taller de iniciación realizaranse demostracións en vivo.
A programación de talleres estará dispoñible na súa páxina web www.obradoirosconalma.com e na páxina de facebook: https://www.facebook.com/pages/Obradoiros-con-Alma/426857244074025.
Así, o visitante que chegue á Mariña, en calquera época do ano, poderá encontrar cada sábado un taller aberto cunha demostración en vivo ou un taller participativo, levar unha peza feita por el mesmo e descubrir un oficio artesán.
Colaboración coa hostalería
Para potenciar a colaboración entre artesáns e a hostalería da zona, Obradoiros con Alma ofrece un desconto de 5 euros aos clientes que teñan unha reserva en algún dos hoteis que colabore con esta iniciativa. Poden participar todos os hoteis, pensións ou casas rurais da Mariña que o desexen, poñéndose en contacto co grupo de artesáns.
Programación para esta Semana Santa
Mércores 27 de marzo (11.30h) Taller de Cerámica para nenos, en Cervo.
Venres 29 de marzo (11.30h) Taller de Redes, en Burela.
Venres 29 de marzo (11.30h) Taller de Cerámica, en Cervo.
Venres 29 de marzo (11.30h) Taller de alfarería en Mondoñedo.
Venres 29 de marzo (11.30h) Taller de navallas en A Pontenova.
Venres 29 de marzo (11.30h) Demostración en vivo de carpintería da ribeira, en Cervo.
Venres 29 de marzo (11.30h) Demostración en vivo do oficio de torneiro de madeira, en Alfoz.
Venres 29 de marzo (11.30h) Taller de decoración con flor seca e materiais de reciclaxe, en Burela.
Sábado 30 de marzo (11.30h) Taller de cerámica, en Cervo.
Sábado 30 de marzo (11.30h) Taller de navallas, en A Pontenova.
Sábado 30 de marzo (11.30h) Demostración en vivo de carpintería da ribeira, en Cervo.
Sábado 30 de marzo (11.30h) Demostración en vivo do oficio de torneiro de madeira, en Alfoz.
Sábado 30 de marzo (11.30h) Taller de decoración con flor seca e materiais de reciclaxe, en Burela.
Sábado 30 de marzo (11.30h) Taller de cerámica, en Trabada.
Sábado 30 de marzo (16.00h) Taller de iniciación ao encaixe de bolillos.
Sábado 30 de marzo (11.30h) Taller de transferencias en arcilla polimérica, en Ribadeo.
Sábado 30 de marzo (11.30h) Taller de elaboración e cocción de pezas de cerámica mediante a técnica do Rakú, en Viveiro.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
