A parlamentaria socialista Carmen Acuña levará ao Pleno do Parlamento de mañá unha pregunta oral á Xunta sobre o anuncio da aplicación pola Consellería de Sanidade do Decreto da área integrada ás áreas sanitarias da Mariña e de Monforte de Lemos.
Carmen Acuña do Campo, Concepción Burgo López, Juan Carlos González Santín, José Ramón Val Alonso e Vicente Docasar Docasar, deputadas e deputados pertencentes ao Grupo Parlamentario dos Socialistas de Galicia, ao abeiro do disposto no artigo 155.5 do Regulamento da Cámara, presentan ante esa Mesa a seguinte pregunta oral en Pleno polo trámite de urxencia.
A urxencia vén motivada pola preocupación e a incerteza existente nos cidadáns polo futuro da área integrada en Lugo.
De novo temos a poboación dunha provincia conmocionada ante unha decisión que vai adoptar o Goberno galego.
A provincia de Lugo, e moi especialmente a Mariña e as Terras de Lemos, están en armas ante o anuncio de que a Consellería de Sanidade vai aplicar tamén neste territorio o Decreto da área integrada.
Isto suporá que os hospitais comarcais de Monforte e Burela, que hoxe son autónomos, pasarán a depender do Hospital de Lugo. Ou dito doutro modo que a partires dese momento a Xerencia na capital decidirá sobre as necesidades sanitarias desas dúas grandes comarcas que atenden a preto de 120.000 persoas.
Coñecemos xa o resultado que está dando este modelo de área integrada do PP imposta xa noutras zonas de Galicia, e por iso preocúpanos que se amplíe tamén a Lugo.
Están creando unhas áreas integradas que non cumpren precisamente con esa función integradora anunciada. A Atención Primaria e a Atención Hospitalaria seguen sen unificar e conectar pero, sen embargo, si están “desintegrando” os hospitais comarcais.
Agora xa é unha evidencia que as áreas integradas creadas están funcionando mal e están a provocar o desmantelamento dos hospitais máis pequenos (os comarcais), mentres a Atención Primaria continúa descolgada.
Ademais esta medida está provocando un profundo rexeitamento social entre a cidadanía, que non apoia esta decisión porque son coñecedores de que as consecuencias serán moi negativas para as súas respectivas bisbarras.
A área integrada en Lugo, a área única, suporá para a xente que reside nas comarcas da Mariña e Lemos, a perda de servizos nos seus comarcais e consecuentemente largos e custosos desprazamentos para recibir unha atención sanitaria de calidade, e que hoxe están a recibir nos seus hospitais comarcais.
Nesta situación de profunda crise económica tampouco se pode desprezar a gran importancia que os hospitais comarcais de Monforte e Burela teñen nas súas respectivas áreas de influencia, podendo dicir sen tapuxos que por exemplo o Hospital Comarcal de Monforte é a día de hoxe a principal empresa da comarca de Lemos, unha comarca na que por certo se están a desmantelar as poucas empresas e servizos existentes. É esa a maneira do Goberno galego de potenciar o Galicia do interior? Ademais, e concretamente en Monforte, o presidente da Xunta de Galicia se comprometera coa cidadanía da comarca de Lemos e lles garantira que non os integraría en Lugo. Hoxe podemos dicir, xa con contundencia, que a palabra do Sr. Feijóo empeza a ter o mesmo valor que as accións de Bankia para moitos e moitas cidadáns de Galicia, e iso, neste tempo de forte crise económica que estamos a vivir, pode ser demoledor.
Polo exposto, as deputadas e os deputados que asinan formulan a seguinte pregunta urxente para o seu debate en Pleno:
Tendo en conta a palabra dada polo presidente da Xunta de Galicia, como van a explicar á cidadanía o engano levado a cabo polo Sr. Feijóo?
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
