Lugo, 8 de marzo 2013. Ante a confirmación da implantación da área sanitaria integrada para a provincia de Lugo por parte do presidente da Xunta, Alberto Núñez Feijóo, o portavoz nacionalista na Deputación Provincial, Mario Outeiro, amosou, na rolda de prensa posterior á reunión semanal da Xunta de Goberno, o rexeitamento da Vicepresidencia a esta medida que suporá a perda de dereitos sanitarios dos veciños e veciñas das comarcas da Mariña e Monforte e o progresivo desmantelamento dos hospitais comarcais.
Con esta decisión o Goberno galego desoe as reivindicacións de todos os lucenses e as dos profesionais sanitarios que levan semanas alertando dos perigos da xerencia única e, unha vez máis, amosa a súa deslealdade cara a provincia de Lugo ao deixar en evidencia un novo incumprimento. Durante o seu primeiro mandato o presidente Feijóo asegurou que a área sanitaria da Mariña non perdería autonomía ao estar asentada, ter base poboacional e non haber interferencias coa de Lugo, declaracións que repetiu durante a última campaña electoral na Mariña e en Monforte.
Outeiro insistiu en que a xerencia ubicada en Lugo dificultará o acceso aos servizos sanitarios a milleiros de lucenses, xa que as 70.000 persoas que ten asignadas o Hospital da Costa e os preto de 50.000 usuarias e usuarios do Hospital de Monforte, pasarán a ter como hospital de cabeceira o Hospital Universitario Lucus Augusti (HULA) sito a 100 quilómetros de distancia para as veciñas e veciños da Mariña e uns 80 para os de Monforte. “Os únicos incapaces de ver as dificultades que isto suporá para acceder aos servizos sanitarios son os dirixentes do Partido Popular que ven vantaxes onde non as hai, polo menos para o pobo que perderá dereitos, benestar, calidade de vida, recursos económicos e sufrirá atrancos para protexer a súa saúde.”
Despois de que o presidente Feijóo negara a implantación da xerencia integrada durante varios anos, de que a fin de semana pasada non se pronunciara sobre este asunto durante a súa visita á Mariña e de que non sexa capaz de escoitar as razóns dos profesionais sanitarios para manter a autonomía das áreas sanitarias, Outeiro asegura que “é imposíbel crer que se vaian realizar novos investimentos nos hospitais da Costa e Monforte. A xerencia centralizada en Lugo eliminará novos investimentos prometidos tanto para os centros de saúde como para os centros hospitalarios, así como a implantación de novos servizos e especialidades. A sanidade da Mariña e Monforte irase desmantelando progresivamente.”
O portavoz nacionalista acusou ao Partido Popular de liquidar a sanidade pública e por á venta os dereitos sanitarios e a saúde do pobo e advertiu ao Goberno galego e tamén ao Goberno central que recortar en sanidade é recortar en saúde e sen saúde non hai desenvolvemento económico e social.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
