Nun acto de grave irresponsabilidade, unha vez máis, os Grupos da oposición dan as costas ás demandas do sector e votan en contra das demandas formuladas pola Federación Galega de Confrarías e as tres federacións provinciais.
Santiago, 24 de abril de 2013.- O Parlamento de Galicia vén de aprobar un acordo, a iniciativa do Grupo Popular, en apoio das propostas das confrarías de pescadores galegas en relación coa futura regulación do novo plan de xestión do Caladoiro Nacional Cantábrico Noroeste.
O voto dos populares fixo posible que a Cámara autonómica sumase a súa voz á dos tripulantes e armadores da flota galega e así prosperase un acordo polo que se lle insta á Xunta a asumir como propias e defender diante do Ministerio de Medio Ambiente as demandas formuladas polo sector, en concreto, as propostas de consenso que asinaron a Federación Galega de Confrarías de Pescadores e as tres federacións de confrarías provincias (as de Lugo, A Coruña e Pontevedra).
O voceiro do Mar do Grupo Parlamentario Popular, Jose Manuel Balseiro, lembrou que o Caladoiro Nacional Cantábrico Noroeste aglutina ao 80% dos postos de traballo da flota galega –entorno a 12.000 tripulantes- e agrupa a máis de 4.500 embarcacións con porto base en Galicia. Ambos feitos dan conta das razóns polas que adquire unha especial relevancia calquera tipo de decisión sobre a xestión desta zona de pesca.
Balseiro explicou que as as confrarías galegas veñen de presentar un documento co obxecto de regular de xeito equilibrado e harmónico a actividade das flotas das catro comunidades do Cantábrico, aínda que lembrou que a decisión final dependerá dunha negociación co Ministerio de Medio Ambiente que serán quen aprobe -desde o máximo consenso posible- a Orde que regule o establecemento das medidas que contribúan á xestión destes recursos pesqueiros.
“Temos o deber de xestionar os recursos dispoñibles de xeito que produzan os maiores beneficios posibles, porque o éxito deste tipo de plan será o dos nosos mariñeiros. E temos o deber de facelo escoitando o que o propio sector está a demandar, a sumándonos a estas peticións”-explicou Balseiro.
O voceiro do Mar do Grupo Popular defendeu que o sector pesqueiro necesita vivir todo o ano da súa actividade, polo que é necesario controlar a través dun plan de xestión o máis consensuado posible a oferta e a demanda para poder competir con mellores prezos.
GRAVE IRRESPONSABILIDADE DA OPOSICIÓN
Balseiro lamentou, finalmente que o acordo parlamentario non conte co apoio dos tres partidos da oposición –que incluso chegaron a votar en contra- e sinalou a incoherencia dos discursos dos seus voceiros.
Tamén puxo de relevo o lonxe que están os portavoces da oposición do propio sector cando aseguran sen rubor descoñecer as propostas das confrarías.
O voceiro do Mar do Grupo Popular sinalou que PSOE, AGE e BNG seguen a manter unha posición de profunda intransixencia que lles leva a seguir dando as costas incluso a este tipo de iniciativas que non fan outra cousa que trasladar as demandas do propio sector para a xestión responsable deste caladoiro.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
