Ribadeo, 6 de maio de 2013.- A CIG-Ensino anima a todo o profesorado dos centros de ensino da Mariña a participar da folga convocada por toda a comunidade educativa o próximo xoves, día 9 de maio, contra a reforma educativa que quere aprobar o Goberno do Estado e contra os recortes na educación pública. Así mesmo, convida a participar a todos os veciños e veciñas da Mariña da concentración que se celebrará na Praza da Mariña de Burela, a partir das 11:30 horas, precisamente con ese motivo.
A convocatoria desta folga chega despois de que a CIG-Ensino levara a cabo unha intensa campaña de información e debate sobre unha lei “perversa e nociva” para o ensino público galego. A CIG-Ensino realizou durante este curso máis de 1.500 asembleas nos centros de ensino de Galiza para informar dos perigos da súa aprobación, e recolleu máis dez mil sinaturas de profesorado contra a LOMCE. Ademais, está a participar activamente nas mobilizacións promovidas pola Plataforma Galega en Defensa do Ensino Público, como foron os peches nos centros de ensino por todo o país realizados no mes de abril.
Segundo Dores Fernández Abel, secretaria da CIG-Ensino na Mariña, “a LOMCE é profundamente españolizadora e privatizadora, retrotraendo o sistema educativo aos postulados do franquismo, reforza a confesionalidade do ensino e liquida a xa cativa xestión democrática dos centros quitándolle as competencias que agora teñen aos Consello Escolares. Tamén é unha lei que converte o sistema educativo nun sistema moito máis elitista, competitivo, selectivo e segregador, que clasificará os centros, que vai expulsar ao alumnado con menos recursos e que pon en tea de xuízo o dereito á educación. Desconfíase do traballo do profesorado e introdúcense reválidas que farán que o alumnado se xogue todo o seu futuro a unha carta”.
Ao mesmo tempo, a folga tamén ven motivada por todos os recortes que o PP está a facer en educación cando o futuro dun país está precisamente en relación á importancia e os investimentos que teña na educación. Aos recortes en profesorado, aos recortes no mantemento dos centros, aos recortes retributivos, aos recortes en formación, en bibliotecas, en axudas á diversidade, en programas educativos, hai que sumar a última medida da Xunta como é o copago nos comedores escolares que pon en perigo a igualdade á hora de acceder é educación e que levará a moitas familias a pasalo aínda peor nestes tempos difíciles.
Por último, a CIG-Ensino quere denunciar, unha vez máis, a actitude do Conselleiro de Educación que, diante do espolio de competencias, segue desaparecido e actuando como militante disciplinado do PP, negándose a abrir un debate que permita fixar unha posición do Goberno galego e que teña en conta a opinión da comunidade educativa galega.
Por todas estas razóns, como sindicato maioritario do ensino en Galiza, animamos a todo o mundo a poñer o noso grao de area para que a folga do día 9 de maio sexa todo un éxito e manifestarlle ao goberno que non estamos de acordo coas súas políticas. Pola nosa parte, procuraremos chegar a todos os centros de ensino, antes desa data, continuando co noso traballo de informar e promover o debate para que o profesorado sexa consciente das consecuencias negativas desta lei e do perigo que a súa aprobación tería para o sistema educativo galego.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
