O Presidente da Deputación, José Ramón Gómez Besteiro, presentou este mércores o I Congreso de Cultura Dixital e Redes Sociais InLugo, un encontro que reunirá a elite de Internet na capital lucense os días 7 e 8 de xuño, situando á provincia luguesa á vangarda en materia de coñecemento e formación no ámbito dixital. Gómez Besteiro destacou que “trátase dunha aposta pola economía do coñecemento que, xunto á vinculada co sector agrogandeiro e a cooperación cos Concellos, forman a columna vertebral desta institución. Baixo o eslogan “Internet cerca de ti”, este congreso aspira a converterse no principal encontro de referencia en Galicia. A nosa Comunidade non conta ata a data cun encontro tecnolóxico das características que terá este, sen dúbida un escaparate de excepción para a promoción económica e turística da provincia e Galicia”.
Máis de 30 recoñecidos profesionais en España, de sectores como o xornalismo, turismo, tecnoloxía, emprego, marketing online ou acción social, cuxos blogs e redes sociais contan con miles de seguidores, compartirán nesta cita o seu coñecemento a través de varias ponencias e debates, nos que abordarán os cambios nos hábitos, mentalidades, formas de comunicación e estilos de vida que está provocando Internet na sociedade.
Tamén haberá espazo para a innovación e o emprendemento, coa presentación de proxectos nos que se empregan as redes sociais como medio de expresión e negocio, ou cunha mesa redonda na que se abordará como a Rede pode impulsar empresas ou produtos. O titular provincial explicou que como colofón, este pioneiro encontro acollerá a entrega dos Premios INLUGO, “cos que esta Deputación recoñecerá o labor que están a realizar empresas lucenses no ámbito dixital”.
Un encontro gratuíto e aberto ó publico
O Presidente explicou que esta cita reunirá a un público heteroxéneo para conversar sobre o significado que ten a Rede nas súas vidas, “contribuíndo a diminuír a fenda dixital na nosa provincia e proporcionando unha grata experiencia a todos os asistentes e participantes mediante diferentes actividades formativas e lúdicas. Trátase dun encontro totalmente gratuíto e para todos os públicos, cun primeiro aforo limitado de 160 persoas, que é a capacidade do Salón de Actos do Pazo Provincial, e un segundo aforo doutras tantas que o seguirá en directo dende o Salón de Pleno da Deputación. Por este motivo, é necesario a previa inscrición neste congreso. Todos os interesados poderán formular a súa solicitude a partires do próximo martes, 21 de maio, na páxina web www.inlugo.com ou ben en www.deputacionlugo.org. Para a participación, respectarase rigorosamente a orde de entrada das inscricións.
Ademais, todos os interesados poderán seguir as actividades deste pioneiro Congreso a través de Internet grazas á colaboración dos profesionais da Fundación TIC, que se encargarán da súa emisión en streaming.
Cofinanciado un 80% pola Unión Europea
Na presentación deste congreso, Gómez Besteiro estivo acompañado polo Director de Fondos Europeos da Deputación, Pablo Rivera, ó tratarse dunha iniciativa cofinanciada nun 80% pola Unión Europea. Rivera adiantou o nome dalgúns dos expertos nacionais que se darán cita en Lugo o 7 e 8 de xuño. Entre eles atópanse: Mario Tascón, especialista en medios dixitais e redes sociais, así como ex director de elmundo.es e elpais.com; Sebastián Muriel, responsable de expansión internacional de Tuenti e ex director de Red.es (organismo estatal encargado do fomento de Internet e novas tecnoloxías); Óscar Reboiras, licenciado en periodismo e responsable do departamento de comunicación do operador galego de telecomunicacións R; Francisco Polo, un dos puntais do activismo na Rede, fundador de Actuable e director de comunicación de Change.org; Javier Pedreira (más coñecido como Wicho) fundador e autor de Microsiervos, o blog español máis popular da historia, ou Alfonso Alcántara (Yoriento), especialista en persoal branding, motivación e emprego 2.0.
InterQué
A institución organiza este encontro coa apoio organizativo de InterQué, entidade integrada por profesionais cunha amplia traxectoria das Novas Tecnoloxías da Información, ligados a Internet dende hai máis dunha década, que están detrás do desenvolvemento de proxectos de éxito como Bitacoras.com, a maior rede social blogger do mundo hispano, con máis de 350.000 usuarios rexistrados e máis de 1 millóns de blogs indexados; ou Laburo, o 1º metabuscador hispano de emprego.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
