Burela, 7 de maio de 2013. A Xunta realizou hoxe unha inspección das novas instalacións que ocupará o centro de formación ocupacional. O concelleiro de Emprego, José Casas, subliñou que “debe reunir todos os requisitos que esixe a lei para poder impartir nel todo tipo de cursos”.
Casas explicou que “o centro de formación ocupacional de Burela, que está ubicado en Suafonte, trasládase ás inmediacións do parque Tíjola, ás dependencias municipais que temos alí e que se foron baleirando ao cambiar algúns servizos e oficinas para a praza de abastos. Agora gañamos en amplitude e en espazo. A Xunta acudiu esta mañá a inspeccionar as novas instalacións para ver a súa adecuación ás normas en canto a homologación de locais para poder impartir cursos de formación. As perspectivas son boas, os funcionarios da Xunta dixeron que estas instalacións están moi ben”.
O edil popular indicou que “se fixo un aseo adaptado para discapacitados, e realizáronse outros traballos de mellora no novo local. Agora toca agardar a que a Xunta emita o informe correspondente, ou si nos manda facer algo máis para cumprilo. En principio a inspección foi positiva. Haberá que agardar si nos piden facer algunha máis e continuar cos trámites necesarios para lograr esa homologación”.
José Casas sinalou que “os locais de Suafonte non reunían todos os requisitos que se recollen na normativa para cumprir cos criterios de homologación. O centro de formación ocupacional aínda que estaba homologado, para algúns cursos non cumpría e tiñamos un problema porque si queres seguir impartindo cursos hai que contar cos locais axeitados para elo. Agora imos ben, polo bo camiño e con relativa rapidez”.
O concelleiro de Emprego lembrou que “o centro ocupacional de Burela comezou a funcionar no ano 1996 e ao pouco tempo xa conseguiu a homologación e foi un dos primeiros centros de formación ocupacional homologados na provincia de Lugo, pero os requisitos cada vez son máis esixentes, tocáramos teito e agora houbo que mellorar as instalacións para seguir acollendo diversos tipos de cursos”.
As novas instalacións ás que se trasladará o centro de formación ocupacional de Burela foron visitadas esta mañá polo alcalde, José Mª González Barcia, os concelleiros de Obras e Emprego, Manuel Fernández Valle e José Casas, e polo director do devandito centro José Manuel Ferreira.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
