Lugo, 6 de maio de 2013.- O secretario xeral para o Deporte, José Ramón Lete Lasa, destacou hoxe os éxitos e o gran potencial dos deportistas lugueses Miguel Colmenares, Gabriel Tembras e Alejandro Fernández que se teñen convertido, dixo, “en representantes galegos no podio de disciplinas como o taekwondo e o tiro”.
José Ramón Lete Lasa, acompañado da delegada territorial de Lugo, Raquel Arias, mantivo hoxe unha xuntanza con estes tres deportistas que actualmente son, sinalou, “o presente e o futuro” en Galicia de deportes como o tiro e o taekwondo. Eles, proseguiu, teñen tecido unha traxectoria deportiva “a base de moito esforzo e desde idades moi novas”, para situar o noso deporte “nos primeiros postos dos campionatos nacionais e galegos”.
Miguel Colmenares Díaz, do Real Aeroclub de Lugo, fíxose co título de campión do mundo por equipos en armas de avancarda en agosto do 2012, en Alemaña. Foi catro veces campión de España; a última, o pasado mes de abril en Granada. Aos seus 54 anos, conta, tamén, con 4 copas Presidente.
Gabriel Tembras Corrales acaba de proclamarse este pasado mes de abril en Alacante campión de Europa cadete de taekwondo na modalidade free estyle. A pesar da súa xuventude, ten 11 anos, xa conseguiu o título de campión galego en técnica e combate en categoría alevín, o de campión nacional infantil na modalidade de técnica, e o de subcampión na modalidade de parellas, onde foi o participante máis novo.
Alejandro Fernández, con tan só 7 anos, proclamouse o pasado 13 de abril, en Oropesa de Mar, campión de España benxamín de taekwondo técnica. Esta medalla, unida á de Andrea Vilas, permitiu a Galicia colocarse na terceira posición da clasificación xeral, despois de Cataluña e Valencia. Ademais, é medalla de ouro en provincial e subcampión galego en técnica e combate en categoría alevín.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
