Foz, 23 de maio de 2013. O alcalde de Foz, o popular Javier Jorge Castiñeira, destacou a elevada presenza de veciños e as numerosas cuestións que formularon aos membros do goberno municipal participantes na primeira reunión do ciclo de xuntanza nas parroquias, que se celebrou na tarde noite de onte en Vilaronte. A seguinte será en San Martiño o 5 de xuño.
Javier Castiñeira explicou que dende o goberno local están moi contentos porque “houbo moita presenza de veciños e aproveitamos todos para falar da parroquia, o que é importante para ver cales son os problemas, que de feito son cuestións básicas que afectan practicamente a todas as parroquias, como poden ser a mellora de accesos, de cunetas e outras pequenas cousas”.
O rexedor municipal comentou que “a reunión discorreu cun ambiente moi bo, os membros do grupo de goberno que participamos demos explicacións sobre a situación que está vivindo a administración local e o resto de administracións, que é unha situación complexa na que evidentemente a economía marca o rumbo das inversións. O Concello está nun momento bastante difícil, con moi pouco persoal, pero a nosa intención é seguir mantendo os servizos básicos e tratar de facer as melloras que son necesarias. E a colaboración coas asociacións culturais e coas comisións de festas vai seguir nunha medida similar á de anos anteriores”.
Castiñeira manifestou tamén que o goberno municipal agradece “o interese por parte dos veciños de Vilaronte por atender aos representantes do grupo de goberno que estivemos na reunión. Houbo moitas suxestións, varias delas en relación co estado das pistas forestais, polo que vamos instar novamente á asociación de produtores de madeira para que repoña eses viais porque se atopan nun estado lamentable. Quedaron en arranxalas cando viñera o bo tempo e eu creo que agora é o momento, antes do verán”.
A próxima reunión do ciclo que empezou onte vai ser o día 5 de xuño, mércores, ás 21 horas na parroquia de San Martiño e “esperemos que teña a mesma reposta por parte dos veciños”, dixo o alcalde, quen tamén anunciou que “a nosa intención é seguir con estas xuntanzas no resto das parroquias”.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
