Os populares denuncian que o presidente socialista estea máis preocupado pola súa imaxe e proxección política que pola responsabilidade asumida a fronte da institución provincial.
Con este dato, o Grupo Provincial Popular denuncia que o socialista estea a eludir de forma reiterada as funcións inherentes ao seu cargo como presidente provincial, entre as que se atopa presidir todas as comisións, sesións, xuntas e comités.
O desinterese de Gómez Besteiro polo ente, do que percibe retribución, amósase incluso na delegación da firma nos seus compañeiros de equipo de goberno.
Os populares lamentan a pouca actividade promovida pola Deputación de Lugo e apreciada nas actas das Xuntas de Goberno, que se caracterizan pola reiteración de puntos como son a aprobación de contas xustificativa ou as renuncias a subvencións.
Lugo 3 de maio de 2013- O Grupo Provincial do Partido Popular de Lugo denuncia a actitude que está a promover nos últimos meses o presidente da Deputación Provincial de Lugo, José Ramón Gómez Besteiro, que, segundo os populares, amósase máis preocupado pola súa proxección política que pola responsabilidade asumida ao fronte do goberno provincial.
Os populares explican que no que vai de anualidade, José Ramón Gómez Besteiro, non presidiu máis do 50% das Xuntas de Goberno celebradas na anualidade de 2013. Tanto é así que das 17 que tiveron lugar entre xaneiro e abril de 2013, o socialista, non asistiu a un total de 9, delegando a súa responsabilidade en membros do seu equipo de goberno.
Deste xeito, o Grupo Provincial Popular denuncia que o socialista estea a eludir de forma reiterada as funcións inherentes ao seu cargo como presidente provincial, entre as que se atopa presidir todas as comisións, sesións, xuntas e comités.
O desinterese de Gómez Besteiro polo ente, do que percibe retribución, amósase incluso na delegación da firma nos seus compañeiros de equipo de goberno. Os populares xa preguntaron en reiteradas ocasións polos motivos que levan a un presidente provincial a delegar a súa firma e explican que un presidente provincial debe actuar como tal, e exercer o mando e a dirección do ente que preside.
Dende o Grupo Provincial Popular tamén denuncian a pouca actividade promovida pola Deputación de Lugo e apreciada nas actas das Xuntas de Goberno que se caracterizan pola reiteración de puntos como son a aprobación de contas xustificativas ou as renuncias de subvencións.
Deste xeito, os populares lamentan que a Deputación de Lugo estea dirixida por unha persoa máis preocupada por si mesma que polos intereses dos veciños, ao atoparse Gómez Besteiro máis centrado na súa proxección externa que en cumprir o seu compromiso como presidente provincial. Unha actitude, que segundo os populares, está a repercutir de forma negativa no día a día dos veciños e no funcionamento dos concellos, que non atopan na Deputación unha administración colaboradora.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
