O PSOE de Burela denuncia o estado da exposición colocada na parede do peirao

Dende o PSdG-PSOE de Burela queremos unha vez máis denunciar a xestión do Sr alcalde, e imos poñer dous exemplos moi significativos da súa inmoralidade e falta de tolerancia. Este señor o que pretende, por enriba de todo, e quitar calquera rasquizo que recorde ó anterior goberno municipal. Levan dous anos de “desgoberno” demolendo todo ó seu paso sen mostrar nada novo. Menosprezando o talento de artistas e a orixinalidade dos anteriores gobernantes.

No ano 2008 dende a Concellería do Mar, fíxose unha exposición fotográfica formada por 45 paneis. Exposición que se inaugurou na Praza do Concello con motivo das festas patronais. Ó rematar a época estival esta exposición, de gran interese didáctico e incalculable valor histórico, recolocouse ó longo da parede do peirao formando parte do noso patrimonio. Así, a xente do pobo e os nosos visitantes podía seguir desfrutando dela, xa que representa a memoria pasada do noso pobo, véndose retratados os seus antepasados mariñeiros. Có paso do tempo, e debido as inclemencias do tempo esta exposición perdeu color e xa non se deixan ver as súas imaxes e debuxos. No pleno do 31 de xaneiro deste ano, fai 4 meses, dende o Grupo Municipal do PSdG-PSOE fíxolle ó Sr. alcalde un rogo, onde lle pedíamos que lle dese a volta ós marcos, xa que pola parte de atrás aparece outro retrato en perfecto estado, ou que recolocara outras 45 fotos (de outra 2º edición feita no 2010), que ten tiradas no soto do Concello sen darlles ningún aprecio. Como dende aquela, como xa comentamos fai 4 longos meses, fixo caso omiso ás nosas peticións, que por outro lado non son máis que a petición dos veciños e veciñas de Burela, agora volvémosllo a pedirllo nos medios de comunicación. A ver se entre viaxe e viaxe ten tempo para facer unha lembranza e homenaxe ás xentes do mar, que ben merecido o teñen.

Outro exemplo podémolo ver estes días na ponte da vía, na rúa de Eijo Garay. O anterior goberno do PSOE, con ánimo de darlle unha novo aspecto ó pobo de Burela, máis moderno e xovial, contactou cun artista do noso pobo. El, deunos a idea dun novo colorido á ponte e unha barandilla distinta e máis orixinal. Un artista con talento e do noso pobo, que deixou a súa colaboración, modernizando unha obra obsoleta. Agora o Sr. alcalde como non lle gusta nada que recorde ó PSOE, non respecta o talento do artista, simplemente opta por pintala de azul e tirar o que é arte á papeleira. Incluso o pequeno xardín ós pes da obra, perdeu vida no seu mandato. Dende o PSOE de Burela quédanos agora unha dúbida, saber se tamén lle vai poñer a ese azul có que se está pintando a ponte, gaivotas brancas pintadas. Así quedaría máis acorde a súa personalidade.