Mondoñedo, 29 de maio de 2013- A portavoz do Partido Popular de Mondoñedo, Elena Candia, asegura que nin os 38.000 euros de fianza nin un prazo dun meses son suficientes para darlle unha solución as deficiencias da obra do entorno do seminario e da catedral e para reparar así os trastornos irreparables ocasionados á localidade e aos veciños.
A voceira popular puxo de manifesto estas declaracións tras o posicionamento do equipo de goberno recollido hoxe en prensa, ao asegurar que o Concello lle dá de prazo un mes a empresa adxudicataria da obra para reparar as deficiencias da obra, e pasado o tempo será o propio concello quen execute os traballos, quedándose coa fianza depositada
Elena Candia asegura que esta iniciativa non é suficiente ao tempo que explica que esta mobilización do equipo de goberno chega demasiado tarde, tendo en conta que a obra xa foi adxudicada no 2011, cun prazo de execución de 10 meses. Así, o PP quere que Orlando González explique o porqué non tomou ningunha decisión ata o momento ao respecto desta situación e pregúntase se esta actitude responde a un posible temor a votar a favor da moción presentada polos populares.
A voceira local explica que o seu grupo rexistrou unha moción na que solicita a creación dunha comisión para investigar a execución e a xestión municipal das obras de reordenación de espazos no contorno da catedral, Praza do Seminario e Rúa da Fontevella.
Os populares denuncian un resultado que presenta diferenzas respecto ao proxecto feito, ao que se lle engade a dubidosa adxudicación da obra, tendo en conta que o PP non ten constancia de que se materializaran as melloras (actuacións non obrigadas por proxecto pero comprometidas a realizar pola empresa), acordadas a levar a cabo pola entidade adxudicataria, sendo este o criterio practicamente determinante de que a empresa resultara elixida para a realización desta actuacións.
Petición de responsabilidades políticas
O PP pide responsabilidades políticas ante o resultado que presenta a obra do entorno da Catedral, da Fonte Vella e do Seminario, que os populares denunciaron en reiteradas ocasións. Os populares consideran que o goberno local “debe responder ante unha situación que repercute negativamente tanto na economía como na vida dos veciños”, asegura a popular.
Elena Candia explica que as citadas obras, que supuxeron un investimento de 1,1 millóns, fixéronse para empeorar e deixar unha zona nunha situación máis criticable que a que presentaba previamente ao acometido destas obras, ocasionando trastornos irreparables para a cidade e os veciños.
Estado das obras do entorno da Catedral
As obras do entorno da Catedral, do Seminario e da Fonte Vella presenta un mal estado observable polos visitantes e veciños con arquetas que rompen de xeito continuado, con mal estado do firme, con pedras rotas ou inclusive cun pésimo mantemento das canalizacións.
Este acometido reduciu o número de prazas de aparcamento na localidade, sen que o goberno local ofreza alternativas ao estacionamento, asfixiando desta forma “aos veciños, ao comercio e ao turismo local”, dado o incremento no número de sancións impostas en materia de tráfico.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
