O Presidente da Deputación de Lugo, José Ramón Gómez Besteiro, inaugurou hoxe a exposición Palillando no Camiño, que abre as súas portas na Capela de Santa María e reúne por primeira vez os traballos realizados coa técnica do encaixe de bolillos por ducias de mulleres de toda a provincia. Esta mostra é única xa que, ademais de recoller os traballos saídos das mans destas artesás, ofrece ós seus visitantes a posibilidade de asistir a demostracións en vivo do seu facer, así como a leccións prácticas impartidas por estas profesionais.
Durante o acto de inauguración, que contou coa presenza das artesás participantes, Gómez Besteiro destacou que queda patente que a Capela de Santa María xa se ten convertido nun espazo aberto a todos “sen prexuízos, que ofrece mostras do moito e bo que, baixo diversos vehículos de expresión artística, se fai na nosa provincia . Pintores, oleiros ou arte en feminino ocupan esta Capela para que todos saiban do potencial creativo que ten a nosa provincia”.
Pola súa banda, Pilar López Barrera, secretaria da Asociación de Palilleiras “Camiño de Santiago” de Sarria agradeceu, en nome de todas as asociacións, a posibilidade que lles ofreceu a Deputación para dar a coñecer o seu traballo entre os lucenses dende un espazo coma a Capela de Santa María.
O acto de inauguración contou ademais, coas palilleiras sarrianas facendo encaixe á vista dos asistentes, tal e como farán en diferentes ocasións mentres permaneza aberta esta mostra.
200 pezas de encaixe
As agrupacións de artesás presentes son a Asociación de Palilleiras de Sarria “Camiño de Santiago”, que nesta ocasión exercen de anfitrioas; o grupo de Palilleiras de Cervo, Burela e Foz; a Asociación Cultural de Quiroga; o grupo “Agulla máxica”, de Lugo; o grupo “Bosque Sagrado”, que reúne a palilleiras de Vilalba, Cerdido, Santaballa e As Pontes; as palilleiras dos Centros Socioculturais lucenses de Lamas de Prado, Trapero Pardo, Milagrosa e Fingoy; a Asociación “As Encaixeiras” de Burela e o grupo “Coas nosas mans” de Xove.
As 200 pezas que forman parte desta mostra son, na súa maior parte, de inspiración tradicional de encaixe galego, aínda que tamén haberá pezas realizadas baixo outras técnicas, coma dos chamados tipos ruso, belga (ou binche), ou danés (tonder). Prendas de vestir de adulto e neno, complementos decorativos de fogar e de moda, coma chales, broches, sombreiros, abanos ou mesmo xoias, realizadas en liño, fío e seda, serven de testemuña dun oficio que se mantén con vida na actualidade grazas á implicación e esforzo dunhas 500 mulleres de toda a provincia.
Do mesmo xeito que hoxe, as demostracións en vivo e as leccións prácticas reeditaranse en vindeiras datas. A programación é a seguinte: sábado 4 de maio, estarán a cargo do grupo de palilleiras de Cervo, Burela e Foz; o 11 de maio serán as da Asociación Cultural de Quiroga “Azaia”; ó día seguinte, o grupo “Agulla máxica” de Lugo; o 17 de maio novamente estarán a cargo da Asociación de Palilleiras “Camiño de Santiago”, de Sarria; os días 18 e 19 a agrupación “Bosque Sagrado” de As Pontes, Cerdido, Vilalba e Santaballa e a dos Centro de Convivencia Municipais de Lamas de Prado, Trapero Pardo, Milagrosa e Fingoi de Lugo, respectivamente; o día 25 de maio a agrupación “Coas nosas mans” de Xove e, finalmente, o 26, a asociación “As encaixeiras” de Burela.
Cando pode visitarse
A Capela de Santa María terá aberta esta mostra ata o vindeiro 29 de maio, nos seguintes horarios: de luns a venres, de 10:30 a 14:00 e de 17:00 a 20:00 horas, e sábados e domingos de 11:00 a 14:00 e de 17:00 a 20:00 horas. A entrada á totalmente gratuíta.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
