Ribadeo, 7 de maio de 2013. Rematan as obras de axardinamento que o Concello está a acometer nos Canapés. Os traballos supoñen un investimento de 12.000 euros, segundo o alcalde.
Fernando Suárez quixo dar conta hoxe “do remate desta segunda fase das obras de axardinamento da zona dos Canapés, nas proximidades da rotonda do Xardín, que é a entrada de Ribadeo e estamos sementando, nivelando, canalizando para sacar as augas e tamén estivemos facendo un paseo central de zahorra compactada, que nos custou uns 12.000 euros de fondos propios municipais, que veñen acompañados dos outros 30.000 que hai escasamente dous meses investimos tamén na creación dese novo parque infantil que hai alí anexo”.
Para o rexedor ribadense “ao que estamos contribuíndo é desde logo a crear un espazo público con parque infantil e zona verde para o lecer e para o ocio das persoas, sobre todo dos nenos que viven nese barrio amplo do Xardín e tamén na avenida Rafael Fernández Cardoso”.
Suárez Barcia considera que “quedará polo tanto unha entrada a Ribadeo moi atractiva tanto polo coidado, pola estética, polo verde como tamén pola funcionalidade para os veciños e veciñas desa parte da vila”.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
