Adxudica os servizos relativos aos albergues de Viveiro e Portomarín e os campamentos de Ribadeo e Palas de Rei.
A Xunta oferta en Lugo preto de 2.000 prazas dentro da campaña de actividades dirixidas á mocidade.
Lugo, 13 de maio de 2013.- A Consellería de Traballo e Benestar investirá 223.000 euros na restauración, mantemento e limpeza das instalacións xuvenís da provincia de Lugo que acollerán os campamentos de verán.
A consellería ven de licitar hoxe no DOG o contrato para os albergues xuvenís Area, en Viveiro, e Benigno Quiroga en Portomarín, e os campamentos A Devesa, en Ribadeo, e Os Chacotes en Palas de Rei. Estas serán, xunto co LUG II -na capital-, as sedes lucenses dos campamentos para a mocidade que organiza a Xunta ao longo dos meses de xullo e agosto.
O contrato estenderase dende o 17 de xuño ata o 3 de setembro, de xeito que a empresa adxudicataria farase cargo da posta a punto das instalacións cara á apertura e da limpeza e mantemento durante o período de desenvolvemento dos campamentos.
A Xunta de Galicia convocou este ano 1.968 prazas en Lugo dentro das actividades da Campaña de Verán, incrementando a oferta en case un 5% con respecto á do ano 2012. A oferta global para a mocidade galega ascende a case 8.200 prazas, que comprende tanto instalacións da Xunta en distintos concellos de Galicia como estancias noutras comunidades autónomas e mesmo en países estranxeiros.
A Campaña de Verán xera preto de 900 postos de traballo en Galicia. Polo que respecta á provincia de Lugo, prevese un volume de arredor de 225 persoas contratadas, entre monitores, persoal sanitario, persoal de cociña ou limpeza de instalacións, na súa gran maioría xente nova.
Igualmente, os campamentos contribúen a dinamizar económica e socialmente as localidades que os acollen. Nesta liña, cabe subliñar que Os Chacotes acollerá na segunda quincena de xullo un campo de traballo de ámbito internacional -New Emprende-, no que os participantes farán un estudo emprendedor que teña que ver co tecido empresarial da zona e no que se impliquen persoalmente coa mocidade do entorno para a súa dinamización.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.