San Cibrao, 26 de xuño de 2013.- A asociación de veciños “Cruz da Venta” de San Cibrao decidiu abandonar a Comisión Sanitaria local de Cervo tras constatar que está politizada. Así o acordou por unanimidade a súa xunta directiva tras unha reunión extraordinaria e urxente celebrada na tarde deste martes 25 de xuño.
O colectivo veciñal sinala que “cada día que pasa se fai máis evidente a instrumentalización que determinados partidos políticos realizan desta Comisión e, sobre todo, o intento de determinadas persoas moi significadas politicamente por radicalizar as protestas con fins partidistas”.
“Non podemos como asociación de veciños apoiar, por exemplo, o espectáculo que se deu no último pleno municipal, insultando e interrompendo a cargos públicos, a pesar de haber un acordo unánime da Corporación, nin comprendemos que o colectivo ampare este tipo de conductas, ni que se converta unha reivindicación veciñal nunha causa xeral para hostigar. Os colectivos veciñais non estamos para facerlle a campaña electoral ós partidos, nin do goberno, nin da oposición”.
A asociación de veciños de San Cibrao, como colectivo social maioritario nesta localidade, sumouse nun primeiro momento á Comisión creada tras coñecerse a decisión do SERGAS de reducir de catro a tres o número de médicos de familia que traballan neste municipio, pero comprobou nas diversas reunións ás que asistiu o uso partidista crecente que se quería dar a esta plataforma.
Reunión coa Conselleira
A pesar da súa decisión, a asociación que agrupa ós veciños de San Cibrao mantén o mesmo grado de esixencia e reivindicación fronte ó SERGAS e avanza que seguirá realizando xestións e continuará cos seus contactos coa administración autonómica para que se garantice e non se resinta a calidade do servizo sanitario que se presta nos centros de saúde do municipio. De feito, Cruz da Venta xa solicitou unha entrevista coa conselleira de Sanidade, Rocío Mosquera.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
