A Comisión Veciñal en Defensa da Sanidade en Cervo agradece publicamente que o Partido Popular se sumase, no pleno celebrado onte, á iniciativa proposta polos partidos da oposición, PSOE e BNG, “co voto a favor dos populares, acordouse por unanimidade instar á Xunta de Galicia para que manteña os servizos médicos tal e como estaban antes de comezar este conflito”.
Os membros da Comisión subliñan que “onte saímos con moi boa sensación do pleno xa que puidemos oír una boa declaración de intencións por parte do goberno local. Iso si, queremos que esas boas palabras se materialicen. Desgraciadamente, os veciños están fartos de boas intencións, non descansaremos ata que vexamos cos nosos ollos que se conseguiu ese cuarto médico que tanto desexamos”.
Con respecto ó sucedido no pleno, recórdanlle ó PP que “lles quedou a man tendida dende a comisión para que se unan a nós de forma institucional como Concello e tamén, o PP de Cervo, como partido político. As portas están abertas, estaremos encantados de seguir sumando esforzos, xa que non pararemos de traballar ata lograr que os servizos sanitarios volvan a ser os que eran hai pouco menos dun mes”.
Grazas a todo o acordado no pasado pleno, “grazas as boas intencións manifestadas onte, a comisión veciñal decidiu pospoñer o encerro no centro de saúde, entendendo que dende o Concello se vai a traballar duramente por non permitir a merma de facultativos en Cervo. O que non quere dicir que imos parar de loitar polo noso obxectivo”.
Iniciativas previstas
A plataforma anuncia que “a primeira cita terémola xa este domingo, día 23 de xuño. Estaremos na Praza do Souto de Cervo, aproveitando a celebración do mercado, para seguir recollendo máis firmas, cantas máis teñamos máis presión poderemos facer”. Convocan tamén para o martes, 25 de xuño, “unha concentración diante do Hospital da Costa, e seguidamente entregaremos ó seu xerente, Francisco Soriano, unha copia da carta que enviaremos directamente á Conselleira de Sanidade, Rocío Mosquera, co único fin de que se atendan as nosas demandas”.
Engaden que “tamén acordamos facer unha ronda de reunións cos veciños polas parroquias para explicarlles cómo segue a situación, os inconvenientes de perder un dos nosos facultativos e informarlles de que seguiremos facendo presión a pesar de que os tres partidos políticos da corporación municipal van a loitar para non permitir a perda de servizos nos nosos centros de saúde”.
Dende a comisión veciñal din que “seguiremos con estas iniciativas pero se non se van materializando axiña as boas intencións amosadas polo goberno local volveremos rápidamente a endurecer as nosas medidas de presión para non dar nada por finalizado antes de tempo”.
Por último, agradecen a resposta dos veciños, “gracias a esta unión e este esforzo amosado por tódolos cervenses logramos manter o funcionamento dos dous centros de saúde do noso concello. As nosas forzas non decaerán ata que tamén logremos recuperar os catro médicos, non permitiremos que Cervo perda un dos seus facultativos, pois non queremos que a calidade asistencial se vexa para nada prexudicada”.
A COMISIÓN VECIÑAL EN DEFENSA DA SANIDADE EN CERVO
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
