Lugo, 21 de xuño de 2012. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, visitou, esta mañá, o campo de fútbol do Iberia C.F. coñecido como campo de “As Valgas”, en San Miguel de Reinante, xunto co presidente do club, Jesús Otero Leal, para comprobar de primeira man a deficiencia das súas instalacións e asinar un convenio de colaboración entre a institución e o club por valor de 49.754.36 euros para a mellora das mesmas.
A aportación que fai o organismo provincial, a través da área de Deporte, servirá para renovar a cuberta das gradas e remodelar os vestiarios. A cuberta da tribuna, que supera os 30 anos de antigüidade, está constituída por unha estrutura de madeira de pino e apoiada sobre piares metálicos que actualmente presentan unha curvatura que evidencia o seu mal estado, así como a propia uralita que a cubre, que sofre un gran deterioro. O mesmo ocorre coa cuberta dos servizos, que ademais, incumpren a normativa vixente, xa que non posúen case alicatado nin solado e os seus elementos sanitarios non serven, xa que son de uso común e con defectos na auga corrente.
Neste sentido, Antonio Veiga precisou que “o estado actual no que se atopan a cuberta da tribuna sur e os servizos é lamentábel, podendo incluso chegar a provocar danos persoais, polo que se fai máis necesaria a súa pronta reforma e adaptación, máis aínda se temos en conta que o Campo de Fútbol de As Valgas resulta imprescindíbel, non só para o Iberia, que se encarga de cubrir os gastos derivados do seu mantemento, senón tamén para o desenvolvemento de outras actividades de carácter deportivo e cultural que se celebran anualmente neste emplazamento”.
Este proxecto de renovación das instalacións do Iberia C.F. responde a varios obxectivos da área de Deporte da Deputación como mellorar as instalacións deportivas e a capacidade das mesmas para acoller as actividades que son propias do seu uso habitual, facilitar a accesibilidade da poboación a espazos de prácticas deportivas adaptadas ás súas necesidades e consolidar a existencia dunha rede de instalacións deportivas públicas que responda ás necesidades reais da poboación.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).