A Deputación de Lugo activou este xoves a factura electrónica, converténdose no primeiro organismo provincial de Galicia en poñer en marcha este servizo tecnolóxico, co que conseguirá pagar nunha media de tan só 20 días ós provedores, o que mellorará a liquidez das empresas, ademais de aforrarlles custes e tempo. Así o anunciaron o Presidente provincial, José Ramón Gómez Besteiro, e o Deputado de Economía do Coñecemento, Emprendedores e Innovación, Alfredo Llano, quen, nunha rolda de prensa no departamento de Fondos Europeos, explicaron que as empresas poden rexistrar xa de maneira cómoda e sinxela as súas facturas a través da páxina web www.deputacionlugo.org grazas ó programa e-fácil, financiado nun 73% polo Ministerio de Industria. Na mesma comparecencia, un empresario da provincia fixo o rexistro da primeira factura que a Deputación tramitará telematicamente.
Con esta nova aplicación informática, subliñou Gómez Besteiro, “seguimos avanzando cara a Administración electrónica, poñendo as novas tecnoloxías ó servizo dos cidadáns en xeral, e das empresas, en particular, para que se beneficien das súas vantaxes e posibilidades. Melloramos ademais a transparencia na xestión, e somos máis eficientes e máis útiles ós veciños”.
Neste senso, o Presidente destacou a boa acollida dunha recente iniciativa que a Deputación emprendeu a través do Innova-TE, coa que dotará de 200 ferramentas tecnolóxicas a 150 empresas da provincia para que potencien o seu negocio. Segundo avanzou Gómez Besteiro, dende a apertura do prazo de inscrición, hai tan só dúas semanas, xa se anotaron 130 firmas, quedando polo tanto 30 vacantes.
Cales son as vantaxes da e-factura
A tramitación on line de facturas que a Deputación puxo hoxe en marcha é un proceso totalmente telemático e moi sinxelo: As empresas atopan un banner na parte superior da web provincial www.deputacionlugo.org dende o que poden acceder á aplicación informática e rexistrar de maneira cómoda e rápida o seu recibo. A seguridade do proceso está totalmente garantida, igual que a validez legal das facturas presentadas.
O Presidente destacou que este sistema ten tres vantaxes fundamentais:
– A Deputación pagará máis rápido ós provedores. Con esta nova aplicación tecnolóxica redúcense os trámites burocráticos e axilízase o proceso administrativo das facturas, co que se acurtará de xeito importante o prazo de pago ás empresas provedoras. “A nosa previsión é baixar en 10 días ese prazo, co que pasaríamos da media de 30 días que vimos mantendo ós 20 días”, explicou Besteiro. Deste xeito, engadiu, “seguiremos á cabeza das institucións provinciais de Galicia que máis rápido pagan e situarémonos 10 días por debaixo do que esixe a Lei para este 2013, que son 30 días”. Pagando máis rápido, “favorecemos tamén que as empresas melloren a súa liquidez, un dos grandes problemas ós que hoxe se teñen que enfrontar, sobre todo as PEMES e autónomos, e, con elo, contribuiremos á reactivación económica”, sinalou.
– Aforro de cartos e tempo ós empresarios porque evitarán o gasto en papel, a impresión da factura, o pregado, o ensobrado, non terán que desprazarse á Deputación para rexistrala, nin terán gastos de envío.
– Aumenta a transparencia da xestión provincial porque os empresarios, non só poden rexistrar as facturas a calquera hora do día, os 365 días do ano, senón que poden consultar en calquera momento o estado no que se atopa o documento.
Sesións informativas
Pola súa banda, o Deputado de Economía do Coñecemento anunciou que, de maneira complementaria á implantación do programa e-fácil, a Deputación organizará entre mañá mesmo e o vindeiro mércores, 26 de xuño, seis xornadas informativas gratuítas por toda a provincia “para mostrarlles de maneira práctica ós nosos provedores, e ás empresas en xeral, como poden facer o rexistro electrónico das facturas da Deputación e cales son as vantaxes de escoller esta opción”. As firmas terán tamén á súa disposición na web do organismo provincial un manual coas instrucións para rexistrar facturas vía on line, así como un número de teléfono de contacto (982-28-02-63) e unha dirección de correo electrónico (facturaelectronica@deputacionlugo.org) para consultas e obter máis información.
As xornadas arrancarán mañá no Salón de Plenos de Monforte con dúas sesións formativas, unha ás 5 da tarde, e outra ás 6. O vindeiro martes, 25 de xuño, haberá outras dúas en Lugo, no Centro de Innovación Social, ás 6 e ás 7 da tarde; e o mércores, 26 de xuño, celébranse outras dúas no Salón de Actos do Concello de Viveiro, ás 5 é ás 6 da tarde.
Para os Concellos
Alfredo Llano avanzou tamén que a aplicación e-fácil está preparada para ser instalada nos portais web dos Concellos, polo que “cando estea a pleno rendemento na Deputación e constatemos o seu correcto funcionamento, estudaremos a posibilidade de ofrecerlles ós 49 municipios adheridos voluntariamente ó proxecto Innova-te a implantación gratuíta da factura electrónica co fin de que tamén poidan beneficiarse das súas vantaxes e axilizar os pagos ós seus provedores”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
