A Deputada de Medio Ambiente e Enerxías Renovables, Sonsoles López Izquierdo, presentou este luns o primeiro Km0Infantil, uns campamentos de verán para os máis pequenos cos que “potenciamos o lecer medioambiental entre os máis pequenos e poñemos en valor o noso medio rural, convertendo deste xeito ós nenos en pequenos embaixadores da provincia”. O Km0Infantil desenvolverase entre o vindeiro martes, 25 de xuño, e o 19 de xullo, e nel poderán participar de maneira totalmente gratuíta ata 765 rapaces de entre 6 e 12 anos de toda a provincia. Como no caso do Km0 para adultos, “este novo programa está financiado nun 80% pola Unión Europea a través do proxecto medioambiental Lug02”, explicou López Izquierdo.
Son en total 17 xornadas para os máis pequenos, “repletas de actividades lúdico educativas en contacto directo coa natureza”, indicou a Deputada. Cada día, entre as 10:30 e as 14:00 horas, participarán 45 rapaces, distribuídos en grupos de 15.
Os nenos poden escoller entre dúas alternativas, ambas en pleno corazón da Reserva da Biosfera Terras do Miño:
– A Granxa Garabullos, situada en Cospeito, onde as actividades terán lugar entre o 25 de xuño e o 15 de xullo. Trátase dun centro de lecer educativo que ten como obxectivo dar a coñecer o medio ambiente e as súas potencialidades, e favorecer o compromiso coa conservación do rural.
– O parque Avifauna de Outeiro de Rei, no que haberá actividades entre os días 16 e 19 de xullo. Avifauna é un centro de interpretación que conta con 500 aves de máis de 200 especies diferentes, representativas dos 5 continentes. As características deste parque zoolóxico fano único na comunidade galega, e un dos poucos de España.
Rutas, obradoiros, xogos e danzas
Durante toda a mañá, os rapaces, acompañados en todo momento por monitores, farán rutas guiadas, obradoiros, xogos e danzas, “todo co obxectivo de que aprendan a valorar a riqueza natural da provincia en xeral, e da Reserva Terras do Miño en particular, e converterse en pequenos embaixadores da nosa provincia; comprendan a importancia de vivir en harmonía coa natureza; e se comprometan coa conservación dos espazos naturais”, destacou a Deputada de Medio Ambiente.
López Izquierdo estivo acompañada de Patricia Fouce, da asociación Revolta Natural, que xestiona a Granxa Garabullos, e Antonio Ibáñez, de Avifauna, que explicaron polo miúdo as actividades das que gozarán os nenos en cada centro. Deste xeito, a responsable da Granxa Garabullos indicou que, co obxectivo de “fomentar un sentimento de conexión coa natureza vinculado coa figura da Reserva da Biosfera”, os rapaces farán unha visita á granxa, interactuarán cos animais, farán un obradoiro de reciclaxe e escoitarán contos. Ó final da xornada, deixarán nunha lona unha mensaxe na que expresarán o seu compromiso co medio ambiente.
Pola súa banda, Antonio Ibáñez, de Avifauna, gabou a iniciativa da Deputación porque “o noso obxectivo dende hai 30 anos é precisamente divulgar o medio ambiente a través das aves entre os nenos”. Neste parque, os rapaces farán un percorrido polo parque, “descubrindo as características das aves e en contacto directo coa natureza”.
Como e cando apuntarse
Para apuntar ós rapaces, os pais non teñen máis que entrar na páxina web da Deputación www.deputacionlugo.org onde atoparán un banner con toda a información sobre o Km0 Infantil, ademais do correspondente formulario de inscrición. Tamén encontrarán o escrito de autorización paterna, que, ben poden enviar vía on line, xunto ó formulario de inscrición, ou ben entregalo en persoa antes do inicio das actividades. Presentar esta autorización é obrigatorio. O prazo para anotarse ábrese hoxe mesmo e remata este venres, 21 de xuño. Unha vez cerrado, “chamaremos a todos os solicitantes para concertar o día de celebración da actividade, tendo en conta as preferencias do interesado e a dispoñibilidade das prazas”, sinalou Sonsoles López.
Transporte gratuíto
Os participantes contarán con servizo de autobús gratuíto desde Lugo para desprazarse ó lugar dos campamentos –Cospeito ou Outeiro de Rei-. En todo caso, se se xunta un grupo de entre 20 e 45 rapaces da mesma zona da provincia, fretarase un autobús para recollelos, tamén gratuitamente, nalgún punto desa zona no que lles veña ben a todos.
Para obter máis información, os interesados poden chamar ós números de teléfono 982-26-00-75/79, ou enviar un correo electrónico a km0infantil@deputacionlugo.org.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
