Foz, 7 de xuño de 2013. A Xunta de Galicia concedeu ao Concello de Foz un curso de xardinería con 15 prazas, que se desenvolverá na aula de formación que está situada no polígono industrial focense. O alcalde, o popular Javier Jorge Castiñeira, destacou que servirá para formar persoas e para mellorar as zonas verdes do municipio.
O rexedor municipal anunciou que o grupo de goberno en Foz está moi contento posto que “a Xunta de Galicia, concretamente a Conselleira de Traballo e Benestar, acaba de conceder un curso de xardinería para o Concello de Foz, que se vai desenvolver nos próximos meses na aula de formación que hai no polígono industrial, que acolle tamén un obradoiro de emprego, que remata precisamente neste mes de xuño. E a partir de aí queremos arrancar con ese curso de xardinería”.
Para Javier Castiñeira este curso “é importante para seguir co noso proceso de axuda ao emprego e de formación de persoas, neste caso nunha rama importante como é a de xardinería. E ademais servirá para que os alumnos practiquen e boten unha man nos xardíns e nas zonas verdes do Concello de Foz, o que realmente nos ven moi ben”.
O alcalde aproveitou para “agradecer o traballo que se está facendo dende a escola obradoiro coa formación de 22 persoas e ademais as obras que están executando no concello quedan en moi boas condicións”.
“Alegrámonos de que se cumpra un compromiso máis por parte da Consellería de Traballo e Benestar, da que é responsable Beatriz Mato, e agradecemos as xestións por parte da delegada territorial da Xunta, Raquel Arias, que está moi pendente dende logo de que esta aula de formación que temos no noso concello estea activa e así o seguiremos intentando”, manifestou Castiñeira.
O rexedor local rematou explicando que “todos aqueles veciños de Foz que estean interesados en facer este curso pódense dirixir á axente de desenvolvemento local (ADL) para que lles explique cando e como se vai proceder para iniciar este curso que vai acoller a 15 alumnos”.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
