Catro expertos no eido municipal analizarán mañá no Salón de Actos de San Marcos as claves, pros e contras da reforma da Administración local proposta polo Goberno central. O Presidente da Deputación, José Ramón Gómez Besteiro, inaugurará as xornadas informativas e de debate, organizadas polo organismo provincial co fin de afondar nun anteproxecto de Lei que será determinante no futuro de Concellos e Deputacións. O encontro, que se desenvolverá de 10:30 a 14:30 horas, está aberto a todo tipo de público e a entrada é gratuíta.
Como conferenciantes participarán Eulalio Ávila, presidente do consello xeral do Colexio Oficial de Secretarios, Interventores e Tesoureiros da Administración Local (COSITAL); Sofía Sanmartín Novo, secretaria interventora do Concello de Muras, en representación dos municipios de menos de 1.000 habitantes; Julio González Casanova, secretario de Friol, en representación das localidades de entre 1.000 e 5.000 veciños; e José Antonio Carro, secretario do Pleno do Concello de Lugo e secretario do de Ribadeo, que falará da situación de municipios de entre 5.000 e 20.000 habitantes.
Esta xornada de análise e debate pon fin á programación organizada pola Deputación sobre as últimas reformas lexislativas adoptadas polo Goberno central que afectan directamente ó quefacer diario dos Concellos da provincia. Deste xeito, ademais da reforma da Administración local que se abordará mañá nunha sesión aberta a todo tipo de público, hoxe está a ter lugar tamén no Salón de Actos de San Marcos un obradoiro técnico dirixido a funcionarios con habilitación de carácter estatal no que se tratan as novas obrigas das entidades locais sobre estabilidade orzamentaria, prazos de pago a provedores e nivel de endebedamento.
O Deputado de Cooperación e Asistencia ós Concellos, Álvaro Santos, enmarcou este foro sobre cuestións de completa actualidade que afectan ás entidades locais no continuo esforzo do organismo provincial “por cooperar cos Concellos, proporcionándolles todos os recursos formativos, informativos e materiais para facilitarlles o seu traballo, garantir unha xestión eficaz da administración local e prestar a mellor atención posible ós veciños”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
