San Cibrao, 29 de xuño de 2013.- A asociación Mulleres de San Ciprián acordou nunha reunión da súa xunta directiva desvincularse da Comisión Sanitaria local porque non comparte a liña partidista que está adoptando esta plataforma.
Desde a asociación de mulleres local máis numerosa din que as súas asociadas como usuarias dos centros de saúde do municipio seguen considerando que o mellor sería contar con catro médicos como ata o de agora pero que iso non implica participar nun colectivo que está a ser instrumentalizado por determinados partidos e sinalan que, por respecto ás súas asociadas, teñen o deber de adoptar unha postura apolítica.
O colectivo di que a súa decisión inicial de participar na Comisión Sanitaria respondía ao convencemento de que se trataba dun colectivo veciñal, reivindicativo e apartidista pero que nin amparan a politización na que está derivando esta Comisión, nin poden compartir feitos radicais como os acontecidos no último pleno cando se perderon as formas e non se rexeitaron interrupcións, gritos e insultos.
Non asinaron a carta publicada en prensa
Mulleres de San Ciprián tampouco lles parece axeitado que, segundo recoñeceu publicamente un concelleiro do BNG sexa o autor dunha carta, publicada nos medios de comunicación en nome dos colectivos da Comisión, sen nin tan sequera consultarlles sobre o seu contido, nin darlles conta de que tiña previsto asinarse no nome da súa asociación.
Desde Mulleres de San Ciprián esperan que polo ben do interese xeral a mellora dos servizos sanitarios en Cervo poida desvincularse dunha loita partidista e insisten en que con carácter individual as súas asociadas poden decidir se participar ou non nos distintos actos que organiza esa Comisión.
As socias de Mulleres de San Ciprián lamentan que o que comezou coa idea de ser unha plataforma social e veciñal acabe converténdose nun colectivo ao servizo de determinados partidos políticos.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
